Биринчи лига мусобақаси сўнгги йилларда савия ҳамда мухлислар қизиқиши борасида яхши ўсишга эришди. Ушбу турнир яримпрофессионал клублар ва вилоятлар футбол академияларининг жамоаларига ҳам имкон берилаётгани билан аҳамиятлидир.
Бу йил мусобақа биринчи марта 3 та минтақада ўтказилди ва ПФЛ бу орқали мусобақага 30 та жамоани жалб қилишга эришди. Табиийки, ушбу ишлар фонида мазкур мусобақага қизиқиш анча ортди. Бу йил ушбу мусобақада ўйнаётган бир неча клубларнинг ўйинларини томоша қилиш учун стадионларга минглаб томошабинлар ташриф буюрмоқда.
Бугун мухлислар ташрифи бўйича элита клубларидан қолишмаётган Биринчи лига клубларини эътироф этамиз.
"Боғдод"
Ўтган йили Фарғона лигасида ўтказган мазмунли ўйинларидан сўнг Биринчи лигага жалб этилган "Боғдод" жамоаси аллақачон ўз мухлисларига эга бўлишни бошлади.
Жамоанинг Биринчи лигадаги дебют ўйинини томоша қилиш учун жорий йилнинг 13 апрель санаси Боғдод туманидаги стадионга 1200 дан ортиқ мухлислар ташриф буюрди.
Ҳозиргача биринчи лиганинг 7 та ўйинини ўз майдонида ўтказган ушбу клубнинг барча ўйинларига умумий ҳисобда 7440 нафар мухлис келди. Бу ўртача ҳисобда ҳар бир ўйинга 1063 нафардан томошабин келганини билдиради.
"Каттақўрғон"
Самарқандлик футбол мухлислари бу йил стадионларга ташриф бўйича водий клублари билан рақобат қила олаётгани ўзбек футболига бееътибор бўлмаган барчани хурсанд қилаётгани бор гап.
Вилоятнинг бош жамоаси "Динамо"нинг ўйинларини томоша қилиш учун Суперлиганинг ҳар ўйинида 10 мингдан ортиқ мухлис ташриф буюриши одатий ҳолатга айланиб қолди. Лекин самарқандлик мухлислар Биринчи лигада ўйнаётган клубини ҳам ёлғизлатиб қўяётгани йўқ.
Ҳозиргача "Каттақўрғон" клуби ўз майдонида Биринчи лиганинг 7 та ўйинига мезбонлик қилди. Ушбу ўйинларни томоша қилиш учун эса умумий ҳисобда 8 701 нафар мухлис ташриф буюрди. Бу ўртача ҳисобда "Каттақўрғон" клубининг ўз майдонида ўтган ҳар бир ўйинига 1 243 нафардан томошабин келганини билдиради.
ОКМК Семурғ
Бу йил ОКМК футбол клуби ўзининг Биринчи лигадаги фарм-клубига эга бўлди ва ушбу клуб ўз ўйинларини Ангрен шаҳрида ўтказиши белгиланди.
Бу эса бир неча мавсумдан бери профессионал футболдан баҳраманд бўлмай келган Ангрен халқи учун катта совға бўлди.
ОКМК Семурғ клуби ўзининг Биринчи лигадаги дастлабки уй ўйинини жорий йилнинг 19 апрель санасида ўтказди. Ушбу ўйинни томоша қилиш учун стадионга 6 мингдан зиёд футбол ихлосмандлари ташриф буюрди. Бу эса жорий йилги мавсум Биринчи лигадаги рекорд натижа ҳисобланади.
Умумий ҳисобда ОКМК Семурғ жамоасининг ўз майдонида ўтказган 7 та ўйинини томоша қилиш учун 21 012 нафар мухлис ташриф буюрди. Бу ўртача ҳар бир ўйинга 3 002 тадан томошабин, демакдир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
