Birinchi liga musobaqasi so‘nggi yillarda saviya hamda muxlislar qiziqishi borasida yaxshi o‘sishga erishdi. Ushbu turnir yarimprofessional klublar va viloyatlar futbol akademiyalarining jamoalariga ham imkon berilayotgani bilan ahamiyatlidir.
Bu yil musobaqa birinchi marta 3 ta mintaqada o‘tkazildi va PFL bu orqali musobaqaga 30 ta jamoani jalb qilishga erishdi. Tabiiyki, ushbu ishlar fonida mazkur musobaqaga qiziqish ancha ortdi. Bu yil ushbu musobaqada o‘ynayotgan bir necha klublarning o‘yinlarini tomosha qilish uchun stadionlarga minglab tomoshabinlar tashrif buyurmoqda.
Bugun muxlislar tashrifi bo‘yicha elita klublaridan qolishmayotgan Birinchi liga klublarini e’tirof etamiz.
"Bog‘dod"
O‘tgan yili Farg‘ona ligasida o‘tkazgan mazmunli o‘yinlaridan so‘ng Birinchi ligaga jalb etilgan "Bog‘dod" jamoasi allaqachon o‘z muxlislariga ega bo‘lishni boshladi.
Jamoaning Birinchi ligadagi debyut o‘yinini tomosha qilish uchun joriy yilning 13 aprel sanasi Bog‘dod tumanidagi stadionga 1200 dan ortiq muxlislar tashrif buyurdi.
Hozirgacha birinchi liganing 7 ta o‘yinini o‘z maydonida o‘tkazgan ushbu klubning barcha o‘yinlariga umumiy hisobda 7440 nafar muxlis keldi. Bu o‘rtacha hisobda har bir o‘yinga 1063 nafardan tomoshabin kelganini bildiradi.
"Kattaqo‘rg‘on"
Samarqandlik futbol muxlislari bu yil stadionlarga tashrif bo‘yicha vodiy klublari bilan raqobat qila olayotgani o‘zbek futboliga bee’tibor bo‘lmagan barchani xursand qilayotgani bor gap.
Viloyatning bosh jamoasi "Dinamo"ning o‘yinlarini tomosha qilish uchun Superliganing har o‘yinida 10 mingdan ortiq muxlis tashrif buyurishi odatiy holatga aylanib qoldi. Lekin samarqandlik muxlislar Birinchi ligada o‘ynayotgan klubini ham yolg‘izlatib qo‘yayotgani yo‘q.
Hozirgacha "Kattaqo‘rg‘on" klubi o‘z maydonida Birinchi liganing 7 ta o‘yiniga mezbonlik qildi. Ushbu o‘yinlarni tomosha qilish uchun esa umumiy hisobda 8 701 nafar muxlis tashrif buyurdi. Bu o‘rtacha hisobda "Kattaqo‘rg‘on" klubining o‘z maydonida o‘tgan har bir o‘yiniga 1 243 nafardan tomoshabin kelganini bildiradi.
OKMK Semurg‘
Bu yil OKMK futbol klubi o‘zining Birinchi ligadagi farm-klubiga ega bo‘ldi va ushbu klub o‘z o‘yinlarini Angren shahrida o‘tkazishi belgilandi.
Bu esa bir necha mavsumdan beri professional futboldan bahramand bo‘lmay kelgan Angren xalqi uchun katta sovg‘a bo‘ldi.
OKMK Semurg‘ klubi o‘zining Birinchi ligadagi dastlabki uy o‘yinini joriy yilning 19 aprel sanasida o‘tkazdi. Ushbu o‘yinni tomosha qilish uchun stadionga 6 mingdan ziyod futbol ixlosmandlari tashrif buyurdi. Bu esa joriy yilgi mavsum Birinchi ligadagi rekord natija hisoblanadi.
Umumiy hisobda OKMK Semurg‘ jamoasining o‘z maydonida o‘tkazgan 7 ta o‘yinini tomosha qilish uchun 21 012 nafar muxlis tashrif buyurdi. Bu o‘rtacha har bir o‘yinga 3 002 tadan tomoshabin, demakdir.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
