Ўзбекистон U-17 терма жамоаси Қатарда 3 ноябрдан 27 ноябрга қадар давом этадиган Жаҳон чемпионатига тайёр. Жамоа бош мураббийи Исломбек Исмоилов ушбу турнир олдидан матбуот анжуманида иштирок этди.
Осиё кубогидан кейин тайёргарлик учун олдимизда кам вақт бор эди. Шунга қарамасдан тайёргарлик аъло даражада ўтди. Жаҳон чемпионатига оптимал ҳолатда етиб борамиз.
— Ҳужумчилар ҳақида:
Нурбек жамоа учун жуда катта фойда келтирган футболчи. Ҳозирча бир нечта ҳужумчиларга имконият берилди, бироқ улар терма жамоа даражасида ўйин кўрсата олишмади. Бизнинг асосий мақсадимиз — гуруҳ босқичидан чиқиш. Умид қиламизки, Нурбек гуруҳ босқичидан кейинги учрашувларда бизга ёрдам беради.
— Жамоа олдига қўйилган вазифа:
Биз жамоа сифатида ўз олдимизга юқори мақсад қўйганмиз. Ишонамизки, футболчилар яхши ўйин кўрсатиб, ижобий натижаларга эришишади.
— Карточкалар ва четлатишлар ҳақида:
Осиё Кубогидан сўнг барча жиҳатларни, жумладан, карточкалар масаласини ҳам таҳлил қилдик. Бу ёш ўтиш даври ҳисобланади, футболчилар ҳали ёш. Бироқ биз уларни доимо огоҳлантириб, тушунтириб келяпмиз. Ўйлайманки, Жаҳон чемпионатида бундай хатолар такрорланмайди.
— Пенальтилар серияси ҳақида:
Машғулотда пенальти тепиш билан ўйиндаги ҳолат бутунлай бошқача. Шу боис биз ҳозир бу борада илмий ёндашув асосида ишлаяпмиз, рақибларни ҳам таҳлил қилиб чиқяпмиз.
— Ўртоқлик учрашувлари ҳақида:
Ушбу ўйинларда асосан тактика устида ишладик. Биринчи ўйинда майдон марказидаги комбинацияларни синовдан ўтказдик, иккинчи ўйинда эса одатий 4-3-3 схемасини яна бир бор текшириб олдик. Бу учрашувлар жамоанинг фойдасига хизмат қилди. Олдимизда Жаҳон чемпионати тургани учун барча эътиборни тайёргарликка қаратганмиз.
Терма жамоа сафида ҳар бир учрашув Ватан шаънини ҳимоя қилиш демакдир. Шу сабабли футболчилардан ҳар доим максимал даражада ўйин кўрсатишларини талаб қиламиз. Ўртоқлик учрашувларида ҳам ижобий натижа қайд этишга интиламиз.
— Жисмоний ҳолат ҳақида:
Футболчиларимизнинг жисмоний ҳолати доимий равишда назоратда. Осиё Кубогида кўплаб жамоаларда ўйинлар давомида чарчоқ сезилган бўлса, бизда аксинча — ўйиндан-ўйинга жисмоний тайёргарлигимиз яхшиланиб борди. Умид қиламанки, Жаҳон чемпионатида ҳам шу ҳолатни сақлаб, ижобий натижаларга эришамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
