Икки иқтидорли спортчи Лайма Владсон ва Александра Бармичева Ўзбекистон фуқаролигини олди ва эндиликда халқаро ареналарда юртимиз шарафини ҳимоя қилади.
Лайма Владсон — Ўзбекистон профессионал теннисининг янги юзи
18 ёшли теннисчи Лайма Владсон, илгари Литва номидан иштирок этган, ITF талқинига кўра дунёнинг энг кучли 10 нафар ёш қизлари қаторига киради ва WTA жаҳон рейтингида 887-ўринда туради. У ёшлигидан юқори натижалар кўрсатиб, Европанинг энг истиқболли спортчилари сафида тилга олинади. Шунингдек, у 2025 йил 9–15 июн кунлари бўлиб ўтган W15 Tashkent Hayot Bank Cup профессионал турнирида яккаликда ғолиб бўлган.
Владсоннинг асосий ютуқлари:
• 7 та ITF Juniors унвони, жумладан J300 Porto Alegre (Бразилия), J300 Asunción (Парагвай) — 2025 йил;
• Hayot Bank Cup W15 Tashkent (Ўзбекистон) — 2025 йил ғолиби;
• J200 Bratislava (Словакия) — 2024 йил, J100 Trnava (Словакия), J3 Tashkent (Ўзбекистон), J3 Ust-Kamenogorsk (Қозоғистон) ва J5 Fujairah (БАА), W15 Tashkent (Ўзбекистон) турнирларида ғалабалар;
• ITF Junior рейтинги — №10 (2025 йил октябрь).
Лайма кучли биринчи зарбаси, барқарор техникаси ва кортдаги иродали ўйини билан танилган. Унинг Ўзбекистон байроғи остига ўтиши мамлакатимиз позицияларини жаҳон теннисида янада мустаҳкамлайдиган стратегик қадамдир.
Александра Бармичева — ўзбек теннисининг ёш ва истиқболли спортчиси
Ўзбекистон фуқаролигини олган яна бир теннисчи — 15 ёшли Александра Бармичева — ITF W15 Tashkent 2025 турнирининг энг ёш иштирокчиси бўлди. 2010 йил 25 июлда туғилган Александра аллақачон халқаро мусобақаларда ишончли ўйин намойиш этиб, юқори салоҳиятини кўрсатмоқда.
Бармичеванинг асосий ютуқлари:
• J100 Vancouver (Канада) — 2025 йил яккалик чемпиони;
• J100 Cholpon-Ata (Қирғизистон) — жуфтлик чемпиони Татяна Головина билан.
2025 йилда Александра катталар турида дебют қилди ва ITF W15 Tashkentда иштирок этиб, ўз карьерасида муҳим қадам қўйди.
“Бу биз учун катта қадам. Лайма Владсон ва Александра Бармичева каби спортчиларнинг пайдо бўлиши Ўзбекистонда аёллар теннисини ривожлантиришга янги туртки беради. Уларнинг ютуқлари ўсиб келаётган авлод учун илҳом манбаидир”, — дея таъкидлашди Ўзбекистон теннис федерациясида.
Бундай спортчиларнинг жалб этилиши Ўзбекистоннинг минтақадаги теннис ривожланиш маркази сифатидаги жозибаси ортиб бораётганини кўрсатади. Тошкент тобора кўпроқ — юниорлардан тортиб профессионалларгача бўлган янги юлдузлар шаклланаётган майдонга айланиб бормоқда.
Ўзбекистон теннис федерацияси матбуот хизмати
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
