Ikki iqtidorli sportchi Layma Vladson va Aleksandra Barmicheva O‘zbekiston fuqaroligini oldi va endilikda xalqaro arenalarda yurtimiz sharafini himoya qiladi.
Layma Vladson — O‘zbekiston professional tennisining yangi yuzi
18 yoshli tennischi Layma Vladson, ilgari Litva nomidan ishtirok etgan, ITF talqiniga ko‘ra dunyoning eng kuchli 10 nafar yosh qizlari qatoriga kiradi va WTA jahon reytingida 887-o‘rinda turadi. U yoshligidan yuqori natijalar ko‘rsatib, Yevropaning eng istiqbolli sportchilari safida tilga olinadi. Shuningdek, u 2025 yil 9–15 iyun kunlari bo‘lib o‘tgan W15 Tashkent Hayot Bank Cup professional turnirida yakkalikda g‘olib bo‘lgan.
Vladsonning asosiy yutuqlari:
• 7 ta ITF Juniors unvoni, jumladan J300 Porto Alegre (Braziliya), J300 Asunción (Paragvay) — 2025 yil;
• Hayot Bank Cup W15 Tashkent (O‘zbekiston) — 2025 yil g‘olibi;
• J200 Bratislava (Slovakiya) — 2024 yil, J100 Trnava (Slovakiya), J3 Tashkent (O‘zbekiston), J3 Ust-Kamenogorsk (Qozog‘iston) va J5 Fujairah (BAA), W15 Tashkent (O‘zbekiston) turnirlarida g‘alabalar;
• ITF Junior reytingi — №10 (2025 yil oktyabr).
Layma kuchli birinchi zarbasi, barqaror texnikasi va kortdagi irodali o‘yini bilan tanilgan. Uning O‘zbekiston bayrog‘i ostiga o‘tishi mamlakatimiz pozisiyalarini jahon tennisida yanada mustahkamlaydigan strategik qadamdir.
Aleksandra Barmicheva — o‘zbek tennisining yosh va istiqbolli sportchisi
O‘zbekiston fuqaroligini olgan yana bir tennischi — 15 yoshli Aleksandra Barmicheva — ITF W15 Tashkent 2025 turnirining eng yosh ishtirokchisi bo‘ldi. 2010 yil 25 iyulda tug‘ilgan Aleksandra allaqachon xalqaro musobaqalarda ishonchli o‘yin namoyish etib, yuqori salohiyatini ko‘rsatmoqda.
Barmichevaning asosiy yutuqlari:
• J100 Vancouver (Kanada) — 2025 yil yakkalik chempioni;
• J100 Cholpon-Ata (Qirg‘iziston) — juftlik chempioni Tatyana Golovina bilan.
2025 yilda Aleksandra kattalar turida debyut qildi va ITF W15 Tashkentda ishtirok etib, o‘z karyerasida muhim qadam qo‘ydi.
“Bu biz uchun katta qadam. Layma Vladson va Aleksandra Barmicheva kabi sportchilarning paydo bo‘lishi O‘zbekistonda ayollar tennisini rivojlantirishga yangi turtki beradi. Ularning yutuqlari o‘sib kelayotgan avlod uchun ilhom manbaidir”, — deya ta’kidlashdi O‘zbekiston tennis federasiyasida.
Bunday sportchilarning jalb etilishi O‘zbekistonning mintaqadagi tennis rivojlanish markazi sifatidagi jozibasi ortib borayotganini ko‘rsatadi. Toshkent tobora ko‘proq — yuniorlardan tortib professionallargacha bo‘lgan yangi yulduzlar shakllanayotgan maydonga aylanib bormoqda.
O‘zbekiston tennis federasiyasi matbuot xizmati
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
