АПЛ. «Арсенал» бир киши кўп бўлиб ўйнаганига қарамай, «Челси»ни мағлуб эта олмади
Англия Премьер-лигасининг 13-туридан ўрин олган «Челси» ва «Арсенал» ўртасидаги ўйин якунланди. Учрашув Лондон шаҳридаги «Стэмфорд Бриж» стадионида бўлиб ўтди.
38-дақиқада мезбонлар яримҳимоячиси Мойсес Кайседо Микел Мерининг оёғининг ҳимояланмаган қисмига тепгани учун қизил карточка олди.
Ҳисобни 48-дақиқада «Челси» ҳимоячиси Трево Чалоба очди. 59-дақиқада «Арсенал» яримҳимоячиси Микел Мерино ҳисобни тенглаштирди. Дуранг ҳисоб ўйин охиригача ўзгармай қолди.
Айни вақтда Энцо Мареска жамоаси 24 очко тўплаган ҳолда Англия чемпионатида учинчи ўринни эгаллаб турибди. Микель Артета шогирдлари эса 30 очко билан пешқадамликни сақлаб қолмоқда.
Кейинги турда «Челси» 3 декабр куни «Лидс Юнайтед»га қарши ўйнайди. «Арсенал» эса шу куни «Брентфорд» билан беллашади.
Англия — Премьер-лига. 13-тур
30 ноябрь 2025, якшанба. 19:30 (МСК)
Челси - Арсенал - 1:1
Голлар: 1:0 — Чалоба, 48', 1:1 — Мерино, 59'
Четлатиш: Кайседо — 38' / йўқ
Манба: stadion.uz
Киритилди: 23:37, 30.11.2025. Ўқилди: 316 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар