Туркиядаги ёшлар ўртасидаги жаҳон чемпионатида иштирок этган Ўзбекистон терма жамоасининг икки вакили – ярим ҳимоячилар Сардор Собирхўжаев ва Диёржон Туропов Москванинг ЦСКА жамоасида кўрикдан ўтгани Россияга жўнаб кетганлари ҳақида мухлисларнинг хабари бор эди.
Кеча ҳамюртларимиз Москвадан Тошкентга учиб келишди. Вазиятга ойдинлик киритиб беришини сўраб, биз футболчиларнинг агенти Санъат Шариповга мурожаат қилдик:
— Футболчилар ЦСКАнинг ёшлар жамоаси машғулотларида қатнашишди. Ёшлар таркиби катта мураббийи Александр Гришиннинг айтишича, ўйинчиларимиз уларда яхши таассурот қолдиришди.
Бироқ шуни унутмаслик керакки, ЦСКА бизнинг футболчиларни ўзининг ёшлар жамоасига кўзлаб эмас, балки клубнинг асосий таркибига жалб қилиш ниятида таклиф этган. Биз бу борада ЦСКА устози Леонид Слуцкий ҳамда клуб президенти маслаҳатчиси Валерий Непомняший билан гаплашиб, келишиб олдик. Ҳозир москваликлар бизнинг бу футболчилар ҳақида бевосита тасаввурга эга бўлиб олишди. Энди ЦСКА ўз скаутларини Ўзбекистон олий лигаси ўйинларига юбориб, икки ёш футболчимизни яқин вақт ичида миллий чемпионатимиз беллашувларида кузатиб боришни режалаштирди. Кузатувнинг кейинги босқичида эса армиячилар ўйинчиларимизни клубнинг қишқи хорижий йиғинига, бундан-да узоқроқ муддатга чақиришади. Улар футболчиларимизни 5-6та назорат учрашувларида кўришмоқчи. Якуний қарорга ана шундан кейингина келинади.
Бир нарсани унутмаслик лозим, ЦСКАдек топ-клублар бирор бир ёш, ҳали ўз номига эга бўлиб улгурмаган футболчининг ортидан селекция ишларини ярим йил ёки бир ва ундан ортиқ мавсум давомида олиб боришади. Профессионал селекция хизматлари ўзларига белгилаб олган ўртача меъёрий муддат шунақа. ЦСКА ёки Россиянинг бошқа клублари ёш иқтидорларни Жанубий Америкадан худди шунақа тарзда излашади. ЦСКА скаутлари у ерда ойлаб юришади. Буни кўпчилик билади, менимча, — дейди С.Шарипов.
***
Футболчилар энди ўз клубларига қўшиладилар. Ишқибозлар буёғига Собирхўжаевни “Бунёдкор”, Туроповни эса “Олмалиқ” ўйинлари орқали кузатишади. Диёржон-ку Игорь Шквирин жамоасининг асосий таркибидан ўрин эгаллаб улгурган. Бу борада, яъни олий лигада дебют учрашувларини ниҳоят ўтказишга биз энди кўпроқ Сардордан қаттиқ уринишлар кутамиз. Миржалол Қосимов ёш футболчини ҳеч бўлмаса ўртамиёна рақибларга қарши баҳсларда синаб кўрса яхши бўларди.
Б.Турсунов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
