Ижтимоий тармоқларда «Динамо» ПФК футболчисига айланган ганалик Кингсли Сарфо ҳақида турли миш-мишлар тарқатилди.
Клуб бу борада расмий муносабат билдириб, қуйидагиларни маълум қилади:
"Клуб ганалик 30 ёшли легионер Кингсли Сарфо билан январ ойида бир йиллик шартнома имзолади. Аксарият манбаларнинг «Динамо» ганалик яримҳимоячини «сотиб олгани, трансфер қилгани» ҳақидаги гаплар асоссиз. У жамоа сафига эркин агент сифатида келиб қўшилди.
«Динамо» ПФК футболчи билан шартнома имзолашдан аввал унинг спорт карьерасидаги фаолияти билан танишиб, Сарфонинг майдондаги ҳаракатларини таҳлил қилиб ўрганган, жамоа ўйинини кучайтириши борасида хулосага келгач, сўнг шартнома имзолади. Клуб унинг қарийб 10 йил аввалги ўтмишидан хабардор бўлмаган.
Футболчининг тасдиқлашича, бундан 9 йил аввал – 2017 йил Швециядаги фаолияти давомида ўзи танишган қиз билан яқин муносабатда бўлгач, Швеция қонунчилигига кўра, ўшанда қиз вояга етган деб ҳисобланишига яна бир йилдан камроқ вақт бўлган. Шу боис африкалик футболчининг ўзаро розилик асосидаги яқинлашуви Швецияда омма эътиборига тушиб, мамлакат қонунчилигига кўра жинсий зўравонлик сифатида малакаланган. Суд ишида Сарфо қизнинг вояга етмаганидан хабари бўлмаганини исботлагач, у 32 ойга қамоқ жазоси ва жаримага тортилган, якунда 1 йил-у, 10 ойда озодликка чиқарилган. Яъни, у қилмиши учун жазони ўтаган. Шундан кейин у ўтган 6 йил давомида Европадаги фаолияти давомида «Олимпиакос», АПОЭЛ клублари сафида муваффақиятли фаолият юритди, мамлакат чемпиони бўлди, Европа Чемпионлар лигаси ва еврокубок баҳсларида майдонга тушган. Кингсли ҳозиргача ўз мамлакати Ганада хайрия ишларида фаоллик кўрсатмоқда. Сарфо билан шартнома имзоланганидан қарийб уч ҳафта ўтиб, бу хабарлар кетма-кет тарқатилгани нега ёки кимга керак бўлгани сабаби клуб учун мавҳум.
Шу ўринда, катта аудиторияга эга расмий ва норасмий телеграм каналлар, блогерлар ва турли манбаларни – эълон қилинган сарлавҳа, хабар ва постларда шахс шаъни, қадр-қимматини ёки тарихини таҳқирловчи оммавий чиқишлар ва ҳаракатлар Ўзбекистон Республикаси қонунчилигига кўра жавобгарликка сабаб бўлишини унутмасликни сўраймиз. Шу билан бирга майдон ва унинг ташқарисидаги ҳалол кураш ва шаффоф рақобат принципи асосида ривожланишнинг янги босқичига кўтарилишга интилаётган «Динамо» ПФКни салбий бўёқда кўрсатишга бўлган уринишларни клуб имижига путур етказиш сифатида баҳолаб, ўз ҳақ-ҳуқуқини амалдаги қонунларга кўра тегишли органлар орқали ҳимоя қилишга тайёрлигини билдиради".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
