Жаҳон чемпионатининг бир қисмини хусусий инвесторларга сотиш бўйича муваффақиятсиз якунланган уринишдан сўнг, Сербия, Швеция ва Уэлс каби мамлакатлар футбол федерациялари Жанни Инфантинони қўллаб-қувватлашдан бош тортди. Оқибатда амалдаги раҳбарнинг қайта сайланиш имкониятлари кескин пасайиб, FIFA президенти ўзгариши мумкинлиги ҳақида хабарлар тарқала бошлади. Қуйида 2027—2031-йиллар учун ташкилот раҳбарлигига асосий номзод сифатида кўрилаётган мутахассислар билан танишишингиз мумкин.
Виктор Монталяни (КОНКАКАФ президенти)
Шимолий Америка футболи раҳбари ва канадалик тадбиркор Виктор Монталяни FIFA президентлиги учун Инфантинога рақобатчи бўлиш масаласини кўриб чиқмоқда. КОНКАКАФ Инфантинонинг таклифини рад этган бўлса-да, УЕФА каби очиқ бойкот эълон қилишгача бормади.
Александер Чеферин (УЕФА президенти)
Словениялик функционер Александер Чеферин УЕФА ва FIFA ўртасидаги давомли келишмовчиликлар ортидан ўтган ой бўлиб ўтган Жаҳон чемпионати финалини бойкот қилган эди. Жаҳон футболи етакчиси қатор муаммоларга дуч келаётган бир паллада, айнан Европа футбол ассоциациялари иттифоқи (УЕФА) унга нисбатан энг кўп эътироз билдирган ташкилот бўлди. Шу боис Чеферин ҳам FIFA президентлиги учун асосий номзодлардан бири ҳисобланади.
Шайх Салмон бин Иброҳим ал-Ҳалифа (ОФК президенти)
FIFA кенгашининг катта вице-президенти ҳисобланган баҳрайнлик Шайх Салмон Жаҳон чемпионати иштирокчилари сонини 64 тага етказиш режасига қарши чиққанлар қаторида турибди. Осиё футбол конфедерацияси (ОФК) FIFA раҳбарининг хусусий инвесторлар билан боғлиқ таклифига эътироз билдириб, бу режа ташкилотнинг қарор қабул қилиш жараёнларидаги жиддий камчиликларни кўрсатиб қўйганини таъкидлади.
Носир ал-Хелайфи (“ПСЖ” президенти)
Politico нашрининг хабар беришича, Европа футболи расмийлари қатарлик таниқли спорт функционери Носир ал-Хелайфини ушбу лавозим учун энг асосий даъвогарлардан бири сифатида қўллаб-қувватлай бошлаган.
Лизе Клавенесс (Норвегия футбол федерацияси президенти)
Жаҳон футболидаги энг нуфузли аёллардан бири бўлган норвегиялик Лизе Клавенесс ҳам Жаҳон чемпионатини хусусийлаштириш режасига кескин қарши чиққан етакчилардан биридир. Норвегия аввалроқ АҚШ президенти Дональд Трампнинг аралашувидан сўнг америкалик ҳужумчи Фоларин Балогунга нисбатан жазо чораси FIFA томонидан бекор қилингани юзасидан ахлоқ қўмитасига шикоят киритиш масаласини кўриб чиққан эди. Ушбу воқеа Инфантино ва АҚШ раҳбари ўртасидаги муносабатларни яна бир бор шубҳа остига қўйган.
Эслатиб ўтамиз, ҳал қилувчи сайловлар 2027-йилнинг 18 март куни Марокашда бўлиб ўтиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
