21-тур доирасида Самарқанднинг “Динамо” клубини қабул қилиб, 2:1 ҳисобида зафар қучган “қалдирғочлар” яқин таъқибчиларидан илгарилаб кетишди.
“Динамо”га қарши учрашув Миржалол Қосимов шогирдлари учун осон бошлангани йўқ. Чунки 7-дақиқада самарқандликларнинг қарши ҳужуми Фаррух Шотурсунов гол уриб, ўз жамоасини олдинга олиб чиқди. Ўтказиб юборилган голдан сўнг “Бунёдкор” аъзолари том маънода қутиришди ва Андрей Меленчук қўриқлаган дарвоза олдида кетма-кет ҳавфли вазиятлар ярата бошлашди. Жасур Ҳасановнинг фаоллиги эвазига Лутфулла Тўраев голли вазиятга чиқарилди ва у осонлик билан ҳисобни тенглаштирди. Биринчи бўлимга қўшиб берилган дақиқаларда Жасур Ҳасанов жарима зарбасини қойилмақом тарзда бажариб, танаффусга “Бунёдкор”ни ҳисобда олдинга чиқиб кетишин таъминлади.
Иккинчи бўлим Миржалол Қосимов шогирдларининг фаоллиги билан бошланди. 56-дақиқада Тўраевнинг пасидан сўнг рақиб жарима майдончаси ичига ёриб кирган Марко Блажич “Динамо” ҳимоячилари томонидан қўполлик билан тўхтатилди ва бош ҳакам пенальти белгилади. 11 метрлик нуқтага яқинлашган Олександр Пишур зарба беришда адашмади – 3:1. Ўйин охирларида эса захирадан майдонга тушган Алибобо Раҳматуллаев Пишур томон шундай тўп оширдики, уни Олександр голга айлантирмаслигининг имкони кам эди. Украиналик ҳужумчи боши билан “Динамо” дарвозасига тўртинчи тўпни киритди ва ўз ҳисобидаги голлари сонини 16тага етказиб олди.
21-турдаги ғалаба “Бунёдкор”нинг мавсумдаги 15-ютуғи бўлди. “Қалдирғочлар” ўз очколари сонини 49тага етказиб олишиб, энг яқин таъқибчилари “Локомотив” ва “Насаф”ни энди тўрт очкодан ортда қолдирмоқда.
Олий лига, 21-тур
“БУНЁДКОР” – “ДИНАМО” 2:1 (2:1)
Голлар: Фаррух Шотурсунов 7 (0:1), Лутфулла Тўраев 38 (1:1), Жасур Ҳасанов 45+2 (2:1), Олександр Пишур пенальти 56 (3:1), Олександр Пишур 83 (4:1)
Огоҳлантиришлар: Ильдар Магдеев 32, Андрей Мелничук 38
“Бунёдкор”: 25. Муроджон Зухуров, 2. Акмал Шораҳмедов, 4. Хайрулла Каримов (сардор), 6. Анвар Ғофуров, 7. Марко Блажич, 8. Жавлон Иброхимов, 11. Олександр Пишур, 13. Лутфулла Тўраев, 19. Жасур Ҳасанов (14. Алибобо Раҳматуллаев 80), 21. Сардор Рашидов (29. Анвар Бердиев 83), 23. Саҳоб Жўраев (33. Олег Зотеев 68)
Захира: 45. Акбар Тўраев, 5. Дилшод Жўраев, 9. Игорь Таран, 16. Артём Филипосян
“Динамо”: 27. Андрей Мелничук (сардор), 4. Ойбек Нурбоев, 6. Акмал Бозоров (55. Аваз Агалиев 43) 12. Санъат шихов, 16. Акмал Холмуродов, 18. Сирожиддин Сайфиев (17. Абдулла Набиев 70), 21. Азамат Бобожонов, 40. Ильдор Магдеев (26. Комил Шарофутдинов 53), 48. Ильдар маматказин, 70. Фаррух Шотурсунов, 72. Алишер Саматов
Захира: 1. Игорь Михайлов, 10. Тўлқин Мирзаев, 22. Фирдавс Абдусалимов, 23. Тимур Шарипов
Ҳакамлар: И.Танташев (Бухоро), Б.Норсафаров (Қарши), Т.Гайнулин (Тошкент), Д.Каримов (Тошкент)
Учрашув назоратчиси: Игорь Нехочин (Наманган)
Учрашув комиссари: Владимир Штерн (Тошкент)
5 октябрь. Тошкент. “Пахтакор” марказий стадиони. 1162 томошабин
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
