Украина чемпионатининг 12-тур доирасида "Днепр" ва "Металлист" жамоалари ўртасидаги баҳснинг танаффусида "Днепр-Арена" стадионининг чироқлари ўчиб қолди. Стадионга йиғилган техник носозлик бартараф этилишини 1 соат давомида кутишди ва ўйин қолдирилди. Ташкилий қўмитанинг қарори билан ўйин иккинчи бўлимдан бошлаб охирига етказиб қўйиладиган бўлди. Ўйин муддати эса ҳали аниқланмади.
Украинанинг Sport.ua сайти сўнгги йилларда футбол оламида чироқларнинг ўчиб қолиши билан боғлиқ 5та муҳим воқеаларни эслаб ўтган. Ушбу рўйхатга Ўзбекистон-Иордания рўй берган воқеа ҳам киритилган.
Грузия - Россия
2002 йилнинг 12 октябрь куни Евро-2004 саралаши доирасида Грузия ва Россия ўртасида Тбилисидаги стадионда кечаётган баҳсда чироқ ўчиб қолди. Биринчи бўлим якунланишига бир неча дақиқа қолганида жамоалар кийиниш хонасига йўл олишди. Стадион масъуллари эса муаммони бартараф эта олишмади ва ўйин бошқа муддатга қолдирилди.
Ўйин тўхтатилганидан кейин ўша оқшом машҳур шарҳловчи Котэ Махарадзе инсульт бўлиб қолди. Махарадзе яқинларининг сўзларига қараганди, у Тбилисидаги стадионда юзага келган техник носозлик туфайли қаттиқ сиқилган. Шаҳрловчи 2002 йилнинг 19 декабрь куни оламдан ўтди.
Учрашувнинг ўзи эса 2003 йилнинг 30 апрель куни қайта ўйналди ва унда Грузия 1:0 ҳисобида ғалаба қозонди.
"Фулхэм" - "Манчестер Юнайтед"
2013 йилнинг 2 февраль куни чироқ ўчиб қолгани туфайли Англия Премьер-лигасининг 25-туридан ўрин олган "Фулхэм" - "Манчестер Юнайтед" баҳси тўхтаб қолди. "Крейвен Коттеж" стадионидаги чироқ муаммоси биринчи бўлим тугашига бир неча дақиқа қолганида юзага келган. Орадан бир неча дақиқа ўтиб ўйин давом эттирилди ва унда "МЮ" минимал ҳисобда ғалаба қозонди.
"Терек" - "Спартак"
2011 йилнинг 7 август куни Грозний шаҳридаги стадионда Россия Премьер-лигаси баҳси ўтказилди. "Терек" ва "Спартак" ўртасидаги ўйин 2 соату 45 дақиқа давом этган. Ўйиннинг 79-дақиқасида кутилмаганда чироқлар ўчиб қолди. Бу вақтга келиб таблода 2:2 ҳисоби порлаб турганди. 50 дақиқалик танаффусдан кейин ўйин давом эттирилди ва "Спартак" ғалабани илиб кетди — 2:4.
Ўзбекистон - Иордания
Яқинда, 2013 йилнинг 10 сентябрь куни чироқ билан боғлиқ муаммо Ўзбекистон ва Иордания терма жамоалари ўртасидаги ЖЧ-2014 саралаш баҳсида ҳам юзага келди. Қўшимча бўлимнинг 101-дақиқасида "Пахтакор" стадионининг 4та прожекторидан 3таси ўчиб қолди. Жамоалар эса муаммо бартараф этилишини 20 дақиқа кутишди. Шундан сўнг ўйин давом эттирилди. Пенальтилар сериясида эса Ўзбекистон имкониятни бой берди — 8:9.
Маълумотларга қараганда, "Пахтакор" стадионида ёритиш тизими ускунаси қизиб кетгани боис чироқлар ўчиб қолган.
"Грамози" - "Реал"
Мадриднинг "Реал" клуби ҳам бир марта чироғи ўчиб қолган стадионда қолиб кетганди. 2010 йилнинг 20 январь куни Тиранадаги "Кемал Стафа" стадионида Албаниянинг "Грамози" клуби "Қироллик клуби"ни қабул қилганди. Чироқ эса танаффус чоғида ўчиб қолди. Ўйиннинг давом эттирилиши учун томонлар бир ярим соат кутишларига тўғри келди. "Реал" эса бу ўйинда 2:1 ҳисобида ғалаба қозонган.
Манба: www.sport.ua
Киритилди: 10:33, 08.10.2013. Ўқилди: 7819 марта. Фикрлар: 32 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
