Қизиқарли факт: Эстония миллий жамоаси УЕФАга аъзо бўлиб кирганидан кейин қандайдир 20 йил ичида уюшманинг нақ 51та термаси билан куч синашиб кўришга улгурибди. Эстонлар ҳозирча биргина Франция билан тўқнаш келишмаган, холос.
Хўш, бизда бу борадаги кўрсаткичлар қандай? Маълумки, УЕФА ва ОФКдаги мусобақалар тизими бир-биридан мутлақо фарқланади. Аниқроғи, ЖЧ ва қитъа биринчилиги саралаш ўйинлари орасида кескин фарқ сезилади. Европада жамоалар гуруҳларга тақсимланмайди ва Эстонияга ўхшаган термаларнинг ҳар сафар янги-янги рақиблар билан битта гуруҳга тушишлари эҳтимоли катта. Осиё эса ўз номига яраша сирли ва футболда ҳам бу яққол билинади. ОФКнинг етарлича аъзолари бизга ҳали нотаниш эканлиги фикримизга далил. Миллий жамоамизнинг бугунги рақиби - Вьетнам ҳам шундайлардан биридир.
Ҳа, Осиёдаги саралаш тизими туфайли Вьетнамга ўхшаган биз билан ҳали ўйнамаган жамоалар етарлича топилади. Ахир қабул қилинган тизимга кўра, саралаш босқичининг илк раундларидаёқ кучсиз термалар курашдан чиқиб кетишади. Мьянма ёки Бруней термалари билан ўртоқлик ўйини ташкиллаш эса бизнинг жамоага унчалик наф бермайди. Хуллас, ҳозиргача Бруней, Шарқий Тимор, Вьетнам, Лаос, Мьянма, Филиппин, Гуам, Макао, Афғонистон, Бутан, Мальдив ороллари, Непал, Покистон ва янги аъзо - Шимолий Мариана ороллари термалари бизга нотаниш. Эътибор беринг, 48та аъзодан 14таси! Ҳа, бугун уларнинг сони биттага камаяди - Вьетнам билан танишамиз. Умуман олганда, миллий жамоамиз анчадан буён ОФК аъзоларидан ўзи учун янги рақиб саналган терма билан тўқнаш келмаётганди. ОФК оиласидан охирги марта жамоамизга Австралия янги рақиб бўлганди - 2008 йилнинг 10 сентябрь куни. Ўшанда Тошкентда «яшил қитъа» вакиллари 1:0 ҳисобда устун келишганди. Австралиянинг ОФК таркибига кейин қўшилганини ҳисобга олсак, ундан аввалги янги рақибимиз - Сингапур термасидир. Сингапурликлар билан ЖЧ-2010 саралашининг 2-босқичида илк марта тўқнаш келган ва 7:3 ҳисобида ғалаба қозонгандик (2008 йилнинг 2 июнь куни меҳмонда). Умумий қараганда эса, охирги янги рақибимиз - бу Черногория. Эсингизда бўлса, 2011 йилнинг 25 март куни миллий жамоамиз Вадим Абрамов бошқарувида Подгорица шаҳрида ҳисоб бўйича 47-рақиб билан тўқнаш келганди. Шундан буён рақибларимиз рўйхати ўзгаргани йўқ. Ваҳоланки, ФИФА таркибида 200тадан ортиқ миллий жамоа бор. Қисқаси, Вьетнам термаси биз билан ўйнаган 48-рақиб сифатида тарихга киради. Атиги 48-рақиб...
Ҳозиргача миллий жамоамиз жами 214 марта майдонга тушган ва ўйинларнинг 99тасида ғалаба қозониб, 46тасида дуранг ўйнаган ва 69тасида имкониятни бой берган. Тўплар нисбати: 399-261. Демак, бугун миллий жамоамиз вакиллари юбилей 100-ғалаба баробарида 400-голни ҳам нишонлашлари эҳтимоли катта.
Миллий жамоамизнинг барча рақиблари
Т|р. Рақиб Ў Ю Д М Т-Н
1. БАА 13 2 3 8 12-22
2. Ж.Корея 11 1 2 8 12-25
3. Қатар 10 6 2 2 20-10
4. Туркманистон 9 7 1 1 20-5
5. Хитой 9 5 1 3 15-11
6. Иордания 9 3 5 1 14-11
7. Баҳрайн 9 3 4 2 11-8
8. С.Арабистони 9 3 1 5 10-20
9. Озарбайжон 9 2 3 4 10-11
10. Япония 9 1 3 5 8-23
11. Тожикистон 8 4 3 1 16-8
12. Хитой Тайпейи 7 7 0 0 30-1
13. Таиланд 7 3 0 4 12-15
14. Қирғизистон 6 6 0 0 25-2
15. Гонконг 6 3 3 0 8-3
16. Қувайт 6 3 1 2 12-9
17. Қозоғистон 6 2 3 1 8-4
18. Малайзия 5 5 0 0 19-2
19. Ҳиндистон 5 4 1 0 11-3
20. Ироқ 5 3 1 1 6-4
21. Эрон 5 1 1 3 2-7
22. КХДР 4 3 1 0 6-0
23. Ливан 4 3 1 0 6-1
24. Бангладеш 3 3 0 0 15-0
25. Беларусь 3 1 1 1 5-4
26. Уммон 3 1 0 2 7-6
27. Австралия 3 0 0 3 0-9
28. Мўғулистон 2 2 0 0 23-1
29. Камбоджа 2 2 0 0 10-1
30. Фаластин 2 2 0 0 6-0
31. Яман 2 2 0 0 6-1
32. Сингапур 2 2 0 0 8-3
33. Индонезия 2 1 1 0 4-1
34. Босния ва Гер. 2 1 1 0 2-1
35. Эстония 2 0 2 0 3-3
36. Нигерия 2 0 0 2 2-4
37. Украина 2 0 0 2 1-4
38. Арманистон 2 0 0 2 1-5
39. Шри-Ланка 1 1 0 0 6-0
40. Латвия 1 1 0 0 3-0
41. Болгария 1 0 1 0 0-0
42. Сурия 1 0 0 1 1-2
43. Албания 1 0 0 1 0-1
44. Черногория 1 0 0 1 0-1
45. Венгрия 1 0 0 1 2-3
46. Исроил 1 0 0 1 0-2
47. Словакия 1 0 0 1 1-4
Жами: 214 99 46 69 399-261
Изоҳ: қора тусда ОФК аъзолари кўрсатилган (Қозоғистонга қарши ўйинлардан 5таси унинг ОФКга аъзо бўлган вақтида ўтказилган).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
