“Бунёдкор” ёшлари Қарши шаҳрига катта умидлар билан ташриф буюрганди.
Боиси битта ғалаба ёш “қалдирғочлар”ни муддатидан аввал чемпионлик шохсупасига олиб чиқарди. Бироқ воқеалар ривожи бундай тус олмай, ёшларимиз Қаршидаги ўйинда омадсизликка учрашди.
Александр Мочинов шогирдлари бутун биринчи бўлим давомида тўп назоратини ўзларида ушлаб туришларига қарамасдан, “Насаф”нинг учта ҳужумини ўтказиб юборишди. Баҳодир Аннаматов шогирдлари айнан шу уч ҳужумда шунча гол уришни уддалашди. Жавоҳир Ашуров, Обид Маматов ва Самандар Шодмоновнинг голлари эвазига жамоалар танаффусга 3:0 ҳисобида чиқиб кетишди.
Иккинчи бўлим ҳам худди биринчиси каби ўтди. Ҳисобда ортда бораётган тошкентликлар ҳужум уюштиришар, мезбонлар эса қарши ҳужум тактикасини қўллашарди. Шу куни омадлироқ бўлишган “Насаф” ёшлари қарши ҳужумларда Санжар Баратов ва Дониёр Нарзуллаев томонидан киритилган голлар эвазига ҳисобни ўта йирик кўринишга келтиришди. Охирги дақиқаларда Сардорбек Азимов “Бунёдкор”нинг учрашувдаги ягона голига муаллифлик қилди.
Шу тариқа, “Бунёдкор” ёшлари мавсумдаги илк йирик мағлубиятини қабул қилиб олди. Кейинги турда ёшларимиз “Сўғдиёна” меҳмони бўлади.
Ёшлар лигаси, 25-тур
“НАСАФ” – “БУНЁДКОР” 5:1 (3:0)
Голлар: Жавохир Ашуров 8 (1:0), Обид Маматов 21 (2:0), Самандар Шодмонов 45 (3:0), Санжар Баратов 69 (4:0), Дониёр Нарзуллаев 72 (5:0), Сардор Азимов 84 (5:1)
Огоҳлантиришлар: Нажмиддин Нормуродов 70, Хуршид Ғиёсов 90+1
Амалга оширилмаган пенальти: Забихилло Ўринбоев 61 (дарвозабон)
“Насаф”: 43.Алибек Туробов (23.Азамат Аҳмедов 74), 2.Мирзамурод Жўрабоев, 3.Миржалол Мўминов, 4.Ғолиб Ғайбуллаев (28.Диёр Каримов 58), 7.Нажмиддин Нормуродов (55.Акбар Муродов 72), 8.Жавохир Ашуров (16.Дониёр Нарзуллаев 61), 9.Самандар Шодмонов, 11.Санжар Баратов, 13.Тохир Абдураззоқов (сардор), 17.Обид Маматов (20.Шохруҳ Қурбонов 83), 22.Жамолиддин Машарипов (10.Азизбек Маликов 78)
Заҳира: 33.Жавлон Эгамов
“Бунёдкор”: 35.Зафар Сафоев (44.Дилшод Ҳамроев 73), 2.Азизбек Мамазоитов (7.Алибобо Раҳматуллаев 46), 3.Ҳасан Асқаров (14.Камолиддин Тожибоев 59), 4.Миржамол Қосимов, 5.Жавлон Мирабдуллаев, 6.Сардор Собирхўжаев, 8.Хуршид Ғиёсов, 9.Аҳрор Умаржоновь (11.Игорь Таран 46), 18.Камронбей Кападзе, 19.Забихилло Ўринбоев (20.Эргаш Исмоилов 66), 21.Сардорбек Азимов
Заҳира: 10.Санжар Рихсибоев, 13.Зокиржон Нурматов
Ҳакамлар: Олим Тўйчибоев (Тошкент), Суҳроб Сатторов (Шаҳрисабз), Фарҳод Усмонов (Косон), Комилжон Расулов (Қарши)
Учрашув назоратчиси: Сафиддин Эрматов (Тошкент)
2 ноябрь. Қарши. “Насаф” стадиони.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
