Куни-кеча "Спорт" телеканалида "Футбол шарҳи" кўрсатувини кўриб, тўғриси, шундай профессионал каналда ҳарф танимайдиган журналистлар ҳам бор эканлигига ҳайрон қолдим. Гап шундаки, Ўзбекистон Олий лигаси 25-туридан ўрин олган "Пахтакор" ва "Шўртан" жамоалари ўртасидаги учрашувни шарҳлар экан Имомхўжаевлар сулоласининг вакили пойтахт клубининг номини яхши билмаслигини ёки мактаб ва университет йўлакларида таҳсил олганлини исботлаб қўйди.
Агар эътибор берилса "Халқ жамоаси" деб таъриф берилган клуб номи "Пахтакор", "Пахтакўр" эмас. Бу ерда фарқ биргина ҳарфда. "О" ва "Ў". Энди бевосита учрашув шарҳига тўхталсак, икки клубни кескин танқид остига олган бу "шарҳловчи" тилига эрк бериб юборди. Тўғри, Ўзбекистон Қонунчилигида барча журналистларга сўз эркинлиги берилган, аммо мазах қилиш ёки ҳақорат қилиш ҳуқуқи эмас.
Биргина мисол: "Шўртан дарвозасига гол уриш осон, айниқса, дарвозада Корнейчук турган бўлса". Шунингдек, шарҳ давомида гоҳ "Пахтакор" гоҳ "Шўртан" аъзоларини мазах қилиш ҳолати ҳар икки гапнинг бирида учради. Нима, Корнейчук ёки футболчилар одам эмасми, жаноб Имомхўжаев?! У хато қилмайдими?! Ҳамма ҳам адашади, худди сиз каби. Сиз футболчи эмассиз, шу боис ҳам унинг психологиясини тушунмайсиз. Тушунганингизда, бундай матн ёзмаган бўлар эдингиз!
Ҳақиқатдан ҳам, футболимизда муаммолар етарлича топилади. Танқид қилиш керак, аммо тахқир эмас. Устоз танқидчи Озод Шарафиддиновнинг бир гаплари бўлар эди: "Танқидчи ижод боғига болта эмас, балки токқайчи кўтариб кирмоғи лозим", деган. Танқид — келажак меваси, дейилади. Тўғри, у ҳам қачонки танқиддан сўнг уни тўғрилаш учун тегишли кўрсатма ва маслаҳат бўлса. Акс ҳолда, танқид қилинаётган инсон ботқоққа ботиб бораверади. Шу мақсадда ҳам мен сизга, жаноб Имомхўжаев, бирор нарсани эфирга олиб чиқишдан олдин устозлар билан маслаҳатлашинг телевидение ходимлари тилида айтганда "просмотр" қилдиришни тавсия этаман. Уни ҳам савияли журналистга кўрсатинг. Энг муҳими "Алифбе" ва "Фонетика" китобини қайтадан ўқиб чиқинг. Сиз биргина хатоингиз орқали Ўзбекистонлик журналистлар ва албатта Имомхўжаевлар сулоласи шаънига доғ туширмоқдасиз.
Эркин журналист.
102-maktab@mail.ru
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
