"Бухоро" 2014 йилги мавсумга тайёргарликни бошлади. Кеча жамоа аъзолари клуб базасида йиғилишди ва дастлабки машғулотларни ўтказди.
Ҳозирда машғулотлар фақат маҳаллий футболчилар билан кечмокда ва уларда 40дан зиёд футболчи қатнашмоқда. Жамоанинг асосий ва ўринбосарлар таркиби, шунингдек, Бухоро шаҳридаги барча спорт мактабларидан ёш иқтидорли футболчилар саралаб олиниб, клуб ихтиёрига қўушиб олинмоқда.
Футболчилар машқларни икки гуруҳга бўлинган ҳолда ўтказишяпти. Асосий таркиб футболчилар "Бухоро" спорт мажмуасида, ўринбосарлар ва кўплаб ёшлар Бухоро Давлат Университети қошидаги футбол майдонида машқларни олиб боришмокда.
Машғулотлар давомида ўринбосарлар таркибида ўзини кўрсатганлар асосий таркибга қўшилиб боришади ва аксинча асосий таркибдаги футболчилар ўзларини курсата олишмаса, ўринбосарлар таркибига қўшиладилар. Шу тарзда асосий ва ўринбосарлар таркиби аниқлаб борилади.
Йиғин 28 декабрга қадар давом этади. 3 январдан бошлаб жамоа тўлиқ куч билан машқларни бошлайди. Ушбу йиғинга маҳаллий футболчилар билан бир қаторда вилоятдаги футболчилар ҳам келиб қўшилишади. Бундан ташқари кўрикка легионерлар ҳам ташриф буюрадилар.
Жамоани тарк этганлар ва янгилар ҳали расман тасдиқланмаганлиги боис бу ҳакда кейинроқ маълумот берилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).