«Бухоро» янги мавсумга тайёргарликни бошлади
"Бухоро" ПФК 2014 йилги мавсумга тайёргарликни бошлади. Кеча жамоа аъзолари клуб базасида йиғилишди ва дастлабки машғулотларни бошлаб юборишди.
Ҳозирги кунда машғулотларда фақат маҳаллий футболчилар билан кечмоқда. Унда 40 дан зиёд футболчи қатнашмоқда. Жамоанинг асосий ва ўринбосарлар таркиби, бундан ташқари Бухоро шаҳридаги барча спорт мактабларидан ёш иқтидорли футболчилар саралаб олиниб, клуб ихтиёрига кўшиб олинмоқда.
Футболчилар икки гуруҳга бўлинган холда машқларни ўтказишмокда. Асосий таркиб футболчилари Бухоро спорт мажмуасида, ўринбосарлар ва кўплаб ёшлар Бухоро давлат университети қошидаги футбол майдонида машқларни олиб боришмоқда.
Машқлар давомида ўринбосарлар таркибида ўзини кўрсатганлар асосий таркибга қўшилиб боришади ва аксинча асосий таркибдаги футболчилар ўзларини кўрсата олишмаса, ўринбосарлар таркибига қўшиладилар. Шу тарзда асосий ва ўринбосарлар таркиби аниқлаб борилади.
Жамоа 28 декабрга қадар дастлабки йиғинни олиб боради ва шундан сўнг қисқа танаффус эълон қилинади. 3 январдан бошлаб жамоа тўлиқ куч билан машқларни бошлайди. Ушбу йиғинга маҳаллий футболчилар сафига вилоятдаги футболчилар ҳам келиб қўшилишади. Бундан ташқари кўрикка легионерлар ҳам ташриф буюришади.
Жамоани тарк этганлар ва янгилар ҳали расман тасдиқланмагани боис бу ҳақда кейинроқ маълумот бериб ўтамиз.
Манба: www.pfkbuxoro.uz
Киритилди: 09:42, 19.12.2013. Ўқилди: 2956 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар