Теннис. Денис Истоминнинг 2013 йилдаги иштироки
Ҳар бир спорт турида жаҳоннинг етакчилари бўлиши билан бирга, ҳар бир давлатда ҳам мавжуд спорт турлари бўйича биринчи рақамли спортчилари бўлади. Албатта, ўзи фаолият кўрсатаётган спорт турида пешқадам бўлиш ҳар бир спортчи учун ўзига хос шараф билан бирга, катта масъулиятни ҳам юклайди.
Ўзбекистоннинг биринчи рақамли теннисчиси Денис Истомин мана бир неча йилдирки мамлакатимиз теннисчиларига сардорлик қилиш билан бирга, жамоадошлари қалбида ғалабага бўлган интилиш ҳисларини юксалтиришга муносиб ҳисса қўшиб келмоқда. Бунга жорий йил ўтказилган Дэвис кубогининг саралаш учрашувларда яна бир бора амин бўлдик.
Ҳамюртимизнинг биргина 2013 йилги спорт мавсумидаги фаолиятига назар ташлайдиган бўлсак, кўплаб ҳаяжонли ва ёрқин воқеаларга бой бўлганлигига амин бўламиз.
Яккалик баҳсларнинг ўзида “Улкан тож” туркумига кирувчи “Австралия очиқ чемпионати”, “Ролан Гарос”, “Уимблдон”, “Америка очиқ чемпионати”, шунингдек, Австралия, АҚШ, Монако, Испания, Португалия, Италия, Франция, Канада, Россия, Таиланд, Швейцария каби давлатларда ўтказилган йирик мусобақаларда Ватанимиз шарафини ҳимоя қилган Денис Истомин, Ўзбекистон теннис мактаби қай даражада тараққий этиб бораётганлигини амалда исботлади.
Йил давомида ўтказилган турнирларда юртдошимиз, Жон Иснер (АҚШ), Янко Типсаревич (Сербия), Николас Алмагро (Испания), Андреас Сеппи (Италия), Флориан Майер (Германия), Фернандо Вердаско (Испания), Мартин Клижан (Словакия) каби жаҳоннинг номдор ракетка усталарини мағлуб этишга муваффақ бўлди.
Бундан ташқари, Новак Жокович (Сербия), Рожер Федерер (Швейцария), Энди Маррэй (Б.Британия), Давид Феррер (Испания), Милош Раонич (Канада), Томми Хаас (Германия), Станислав Вавринка (Швейцария), Томаш Бердих (Чехия) ҳамда Сэм Куэрри (АҚШ) каби дунёнинг етакчи теннисчилари билан кечган баҳсларда ўзининг кучли иродасини намоён этди.
Айниқса, 14-27 январь кунлари Мельбурн (Австралия)да бўлиб ўтган “Австралия очиқ чемпионати”да Андреас Сеппи, 26 май – 9 июнь кунлари Париж шаҳри (Франция)да ўтказилган “Ролан Гаррос” турнирида Флореан Майер, 24 июнь – 7 июль кунлари Лондон (Б.Британия)да бўлиб ўтган “Уимблдон” турнирида Андреас Сеппи, 5-11 август кунлари Монреал (Канада)да ўтказилган мусобақада Новак Жокович, 26 август – 8 сентябрь кунлари Нью-Йорк шаҳри (АҚШ)да бўлиб ўтган “US Open ” турнирида Энди Маррэйга қарши кечган баҳсларда намойиш этган ўйинлари, миллионлаб теннис мухлислари ва мутахассисларининг юксак эътирофи ва олқишларига сазовор бўлди.
Денис Истомин яккалик баҳсларида бўлгани каби жуфтликлар мусобақасида ҳам кўплаб ғалабаларга эришди. Жумладан, 17-20 октябрь кунлари Москва шаҳри (Россия)да бўлиб ўтган “Кремл кубоги”да россиялик шериги Михаил Елгин билан бош совринни қўлга киритди.
Умид қиламизки Денис Истомин 2014 йилги мавсумда ҳам зафарли одимларини давом эттириб, ўзининг ёрқин ғалабалари билан хушнуд этишда давом этаверади. Бу йўлда унга омад ва зафарлар тилаб қоламиз.
Манба: www.olympic.uz
Киритилди: 13:05, 30.12.2013. Ўқилди: 3287 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
