Ашурматов «Навбаҳор»га янги футболчиларни таклиф қилмоқда
Бугун "Навбаҳор" аъзолари бир кунлик ҳордиқдан кейин яна машғулотларга киришдилар. Машғулотдан олдин клуб раҳбарияти ва жамоа футболчилари ўртасида кичик йиғилиш бўлиб ўтди. Йиғилиш қатнашчиларига Бахтиёр Ашурматов янги бош мураббий сифатида таништирилди.
Шундан сўнг жамоа аъзолари дастлабки машғулотда иштирок этиш мақсадида «Навбаҳор-Умид» футбол мактабига йўл олишди. Футбол мактабида бу пайтга келиб 200 дан ошиқ мухлислар «Навбаҳор» жамоаси аъзоларини кутиб турганлиги эътиборга молик. Жамоа ишқибозлари бир ярим соат давомида ўтказилган машғулотни катта ҳаяжон ва хурсандчилик билан кузатишди. Бунинг учун уларда асослар етарли эди.
Ашурматов бош мураббий этиб тайинлангач, мавсумлар оралиғида бошқа клублар сафига қўшилган футболчиларнинг айримлари ҳам қайтишди. Хусусан, мавсумга ҳозирликни «Машъал»да олиб борган Собир Ҳамидов, «Олмалиқ» сафига қўшилган Қаҳрамон Маҳаммаджонов, шунингдек олдинги рўйхатга киритилмаган Абдумалик Абдуллаев ҳамда Дурбек Умаралиев мураббийлар ихтиёрига етиб келишди. Бундан ташқари Наманган футболи тарбияланувчиси ҳисобланган Отабек Валижонов, ўз вақтида «Навбаҳор» шарафини ҳимоя қилган Раҳматилло Бердимуродов, Аҳрол Рисқуллаевлар ҳам дастлабки машғулотда қатнашишди. Шунингдек, жамоа сафига дарвозабонлар Дониёр Усмонов («Гулистон»), Хуршид Хўжаев («Нефтчи»), ярим ҳимоячи Роббим Ҳасанов («Гулистон») ҳам қўшилишди. Январь ойи бошларида жамоага чақирилган дарвозабон Алишер Аҳмедовга эса жавоб берилди. Мураббийлар штабида иш юритган Роберт Гай ҳам бугун «Навбаҳор» билан хайрлашди. Ушбу мутахассис кейинги фаолиятини «Андижон» жамоасида давом эттирадиган бўлди.
Жамоа аъзолари 21 январга қадар Наманганда шуғулланишади. Навбатдаги йиғин эса Тошкентда давом эттиралади. Пойтахт сафари олдидан Андижонда “Андижон” жамоаси билан ўртоқлик учрашувида майдонга тушиш ҳам режашлаштирилган. Учрашув 18 январь куни бўлиб ўтади. Жамоанинг Тошкентдаги йиғинида эса таркибга янги ўйинчиларни қўшилиши кутилмоқда.
Манба: www.pfcnavbahor.uz
Киритилди: 17:28, 13.01.2014. Ўқилди: 4382 марта. Фикрлар: 5 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
