«Фулад» – Эрон кубоги ярим финалида
Кеча Эрон кубогининг сўнгги ярим финалчиси аниқланди.
Бир учрашувдан иборат чорак финал доирасида “Бунёдкор”нинг Осиё Чемпионлар лигасидаги рақиби – “Фулад” клуби ўз майдонида Теҳроннинг “Пирузи” жамоасини қабул қилди. Учрашувнинг 6-дақиқасида Муҳаммад Аббосзода ахвазликлар дарвозасини ишғол қилиб, пойтахт жамоасини олдинга олиб чиқди. Лекин 58-дақиқада Бахтиёр Раҳмони жавоб тўпини киритди ва ўйиннинг асосий вақти 1:1 ҳисобида якун топди. 15 дақиқадан иборат қўшимча таймларда ҳам ҳисоб ўзгармагач ғолиб пенальтилар сериясида аниқланди. Ўз уйингда деворлар ҳам ёрдам беради деганларидек, лотореялар баҳсида “Фулад” 3:0 ҳисобида устун келиб Эрон кубогининг ярим финалига йўлланма олди.
Ахвазликлар финал йўлланмаси учун 4 февраль санасида меҳмонда “Трактор Сози” жамоаси билан куч синашишади.
Манба: www.fcbunyodkor.com
Киритилди: 12:29, 27.01.2014. Ўқилди: 2323 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).