«Нефтчи»: Туркия кундалиги (бешинчи кун)
"Нефтчи" клуби Анталияда шуғулланаётганига беш кун бўлди. Бугун жамоа аъзолари икки маҳал машғулот ўтказди. Кеча асосий таркибда майдонга тушганлар эрталаб транежёр залида шуғулланишди. Қолганлар эса стадионда машғулот ўтказишди.
Эрталабки машғулот доимгидек маҳаллий вақт билан соат 9:30 да (Тошкент вақти билан 12:30)да бўлиб ўтди. Кечки машғулот эса эса маҳаллий вақт билан 15:30 (Тошкент вақти билан 18:30)да бошланди. Машғулотлар давомида футболчиларнинг жисмоний ва тактик билимларини ошириш борасида ишлар олиб борилмоқда. Барча футболчиларнинг кайфияти аъло даражада.
Кечаги ўйин ҳақида икки оғиз
Кечаги баҳсда “Нефтчи” мағлубиятга учраган бўлса-да, ёмон таассурот қолдиргани йўқ. Айниқса, биринчи бўлимда. Фақат вазиятлардан фойдалана олмаслик оқибатида мағлубиятга учрадик. Бир нарсани тўғри тушуниш лозим, жамоа энди шаклланмоқда. Янги футболчиларнинг бир-бирини тушуниб олиши учун бироз вақт керак.
Бу ҳолат ҳатто гранд жамоаларда ҳам кўзга ташланади. Шундай экан, якуний хулоса чиқаришга шошилмаслик лозим. Ўйлаймизки, чемпионат бошлангунга қадар ҳаммаси изига тушиб кетади.
Футболчилар қандай фикрда?
Бугун ҳам “Нефтчи” футболчиларнинг йиғин ҳақидаги фикрлари билан қизиқдик.
Александру Оника: “Меҳнатларимиз бесамар кетмаслигига ишонаман”
Қисқа фурсат ичида мухлислар меҳрини қозонишга улгурган молдовалик ярим ҳимоячи Александру Оника ҳам бошқа футболчилар қатори машғулотларда тинимсиз меҳнат қилмоқда. Туркиядаги йиғин ҳақида Оника қисқача шундай деди:
“Нефтчи”да яхши футболчилар йиғилгани кўриниб турибди. Жамоадошларим билан тил топишиб кетишда муаммога дуч келмадим. Машғулотлар ҳам қизиқарли ўтмоқда. Бу ердаги меҳнатлармиз бесамар кетмаслигига ишончим комил”.
Жавоҳир Расулов: “Мураббийлар кенг кўламли ишларни бажаришмоқда”
Янги мавсум кашфиётларидан бири бўлиши кутилаётган ёш ярим ҳимочилардан бири Жавоҳир Расулов ҳам машғулотларда тўлиқ куч билан иштирок этмоқда.
“Туркиядаги йиғин биз учун жуда фойдали бўлишига ишонаман. Мураббийлар штаби биз каби ёш футболчиларнинг маҳоратини ошириш йўлида кенг кўламли ишларни олиб боришмоқда. Бу ерда ҳам жисмонан, ҳам тактика борасида тобланиб боряпмиз”.
Манба: www.fcneftchi.uz
Киритилди: 00:27, 20.02.2014. Ўқилди: 3088 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
