Матбуот анжуманининг иккинчи қисмида Миржалол Қосимов саволларга жавоб берди.
«Биз жамоа билан мавсумолди тайёргарлик вақтида футболчиларни жисмоний жиҳатдан тайёрлашга ҳаракат қилдик. Бу ўйинларда натижа биз учун муҳим эмасди. Тайёргарликдан кўнглим тўлди. Айниқса бу йиғинлар ёш футболчиларга айни муддао бўлди. Уларнинг кўзи пишди. Жамоадан анча кучли футболчилар кетгани бизга таъсир қилмай қолмайди. Шунинг учун янги жамоа шаклланиши учун вақт керак. Бир сўз билан айтганда жамоа мавсумга тайёр. Биз йиғин вақтида бир кунда иккитадан ўйин ўтказдик, чунки барча футболчиларга бир хил босим бўлиши керак эди. Бизнинг олдимизга ҳар доимгидек юқори мақсад қўйилган. Мавсумни чемпионлар лигасидаги ўйин билан бошлаймиз. Бизнинг илк рақибимиз «Ал Фотиҳ» бўлади. Уларнинг ўйини жуда кучли. Таркибида юлдузлар кўп деб айта олмайман, йўқ деса ҳам бўлади, лекин жамоа бор. Улар асосий эътиборни қарши ҳужумга қаратади. Рақибни жуда яхши ўргандик деб айта оламан».
– Янги легионерларни сотиб олишда нималарга эътибор берилди?
– Симоненко ҳақида гапирадиган бўлсам, аввало у рус тилида гаплашадиган футболчи ва бу биз учун жуда муҳим. Чунки футболчилар ва жамоа аъзолари билан чиқишиб кетиш учун тилнинг ўрни жуда катта. Бундан ташқари у жуда ақлли футболчи, жисмоний ҳолати ҳам ажойиб. Биз сўз билан айтганда ҳақиқий жангчи. Карлос ҳақида гапирадиган бўлсам, унинг испан футболи вакили эканига эътибор беришингиз мумкин. Испан футболи жаҳон футболида етакчи бўлиб турибди. У биринчи кундаёқ жамоа вакиллари билан яхши чиқишиб кетди.
– Жамоа мавсум олдидан қатор футболчиларни кўрикдан ўтказди. Япония ва туркманистонлик футболчилар кўриб чиқилди, лекин сизлар ҳозирги легионерларни сотиб олдинглар. Нима учун бундай бўлди, ёки уларга пулингиз етмадими?
– Тўғри Япониялик футболчини кўриб чиққан эдик. Унга пулимиз етмади деб айта олмайман, ҳаттоки иқтисодий жиҳатдан музокара олиб бормадик, Шунчаки у бизга, биз унга тўгри келмадик.
– Бахтиёр Бобоевга савол. Сиз мақсадимиз таркибни ёшартириш деб айтдингиз, лекин жамоа 30 ёшдан ўтган футболчиларни сотиб олди. Бунга нима дейсиз?
– Албатта ёшлар кимдандир ўрнак олиши керак. Шунинг учун тажрибали футболчиларни сотиб олдик.
– Анвар Ғофуров «Локомотив»га кетиб яна қайтиб келди. У балки кўп ишламоқчи бўлгандир. Буни клуб қандай қабул қилди?
– Тўғрисини айтаман, биз футболчиларни мажбурламаймиз. Жамоани ўзи танлайди. Анвар Ғофуров менга ўзи кетса ҳам, юраги бизда қолаётганини айтди. Кейин у яна жамоага қайтиб келса, уни қабул қилишимизни сўради. Мен унга айтдим. Бизнинг эшикларимиз барча учун очиқ.
– Карлос Кото «Барселона» футболи тарбияланувчиси. Ўзингиз айтдингиз испан футболи дунёда етакчи. Шунинг учун унинг атрофида ўйин ташкил қилинадими ёки у «Бунёдкор» ўйинига мошлаштириладими?
– Агар футболчи кучли плеймекер бўлса, унинг атрофида ўйин ташкил қилиниши мумкин, лекин бизда жамоавий ўйин. Футболда бир киши ўйнамайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
