Олий лиганинг илк турида "Андижон" энг кўп томошабин йиғди
Кеча мамлакатимизнинг 6та шаҳрида чемпионат очилиши муносабати билан Ўзбекистон байроқлари кўтарилди.
Эътиборлиси, дастлабки турда энг кўп томошабин Андижондаги учрашувда қайд этилди. Андижонлик ишқибозлар футболни соғиниб қолишганини биринчи турдаёқ намойиш этишди. “Андижон” ва “Пахтакор” жамоалари ўртасидаги учрашувни кўриш учун “Соғлом авлод” стадионига 18221 томошабин кирди. Бу билан андижонлик мухлислар дастлабки турда энг яхши натижани қайд этишди.
Шунингдек, Косонсойдаги марказий стадионга ишқибозлар кўп ташриф буюрди. “Навбаҳор” ва “Локомотив” жамоалари ўйинига 12161 томошабин ташриф буюрди. Энг кам мухлис эса “Бунёдкор” ва “Қизилқум” баҳсида қайд этилди. Бу ўйинни 1003 томошабин кўрди.
Манба: www.andijon-pfc.uz
Эслатиб ўтамиз, бугун 1-тур доирасидаги сўнгги ўйин - "Олмалиқ"-"Металлург" учрашуви ўтказилади.
Киритилди: 07:38, 16.03.2014. Ўқилди: 5431 марта. Фикрлар: 44 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар