ОФК “Бунёдкор” ҳақ эканлигини тасдиқлади
Қатарнинг “Ал-Жаиш” клуби Осиё Футбол Конфедерациясига расмий шикоят ёзиб, “Бунёдкор” ФКни ОЧЛ-2014 мусобақаларидан четлатишни сўраганди.
Гап шундаки, қатарликлар саралаш баҳсларида “Локомотив” сафида тўп тепган ҳимоячи Анвар Ғофуровни турнирнинг гуруҳ босқичида “Бунёдкор” жамоаси учун ўйнаётганини хато деб кўрсатишди. Айнан шу масала юзасидан бугун ОФКнинг тартиб-интизом қўмитаси йиғилиш ўтказди. Унда “Ал-Жаиш” эътирози ўринсиз деб топилди ва “Бунёдкор” мусобақани давом эттириши маълум қилинди.
ОФКнинг “Бунёдкор” ФКга юборган расмий хатида вазиятга қуйидагича изоҳ берди:
- “Бунёдкор” ФК Осиё Чемпионлар лигасида мунтазам равишда иштирок этибгина қолмасдан, мусобақанинг гуруҳ босқичини мунтазам равишда муваффақиятли босиб ўтаётган ягона клуб ҳисобланади. Қитъамизнинг етакчи клуби бу сафар ҳам ўз анъанасини давом эттириб, нимчорак финалга йўлланма олди.
Осиё Футбол Конфедерациясининг тартиб-интизом қўмитаси ўз мажбуриятига кўра “Ал-Жаиш” эътирозини кўриб чиқди. Йиғилишда маълум бўлишича, “Бунёдкор” футбол клуби Осиё Чемпионлар лигаси регламентининг 35-Е пунктига тўла амал қилган ҳолда, мусобақа учун ҳеч қандай муаммосиз рўйхат топширган. Футболчи Анвар Ғофуров бир вақтнинг ўзида иккита жамоада рўйхатдан ўтмаганлиги аниқланди ва “Ал-Жаиш”нинг эътирози ўринсиз деб топилди.
“Бунёдкор” 1/8 финал доирасидаги илк учрашувини ўз майдонида Саудия Арабистонининг “Ал-Ҳилол” клубига қарши ўтказади. Жамоанинг навбатдаги ўйинларида омад ва зафарлар тилаймиз"
Қайд этиш керакки, “Бунёдкор” футбол клуби қитъамизнинг клублар ўртасидаги энг нуфузли турнири – Осиё Чемпионлар лигасида еттинчи бор иштирок этмоқда. Клубимизда ўз ишининг усталари бўлган тажрибали мутахассислар фаолият юритишмоқда. “Бунёдкор” ФК томонидан олиб бориладиган ҳар бир иш белгиланган тартиб қоидаларга асосланган ҳолда юритилади.
Манба: fcbunyodkor.com
Stadion.uz таҳририяти "Бунёдкор" клубини ушбу ютуқ билан табриклайди ва келгуси ўйинларда муваффаққиятли иштирок этиб, Ўзбекистон учун ОЧЛда янада кўпроқ ўринлар келтиришини тилаб қолади!
Киритилди: 15:29, 02.05.2014. Ўқилди: 7609 марта. Фикрлар: 58 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
