"Бунёдкор" чемпионлар лигаси 1/8 финалининг ўз майдонида бўлиб ўтган дастлабки ўйинида "Ал-Ҳилол"га имкониятни бой берди. Саудия Арабистони жамоаси ўта кучли бўлгани учун эмас, аксинча, ўзбекистонликлар кўплаб имкониятлардан фойдалана олишмагани учун шундай натижа қайд этилди.
Александр Волков "Ал-Ҳилол" ўйинини ўрганиб чиқиб, унинг кучли рақиб эканини ўйиндан олдинги матбуот анжуманида таъкидлаб ўтганди. Шу боис бўлса керак, "қалдирғочлар" олдинга ўтиб кетишмади. Аста-секин олдинга ўта бошлаган вакилларимиз рақиб ҳимоя чизиғи у қадар ишончли эмаслигини сеза бошлашди ва таваккал қилиб олдинга ўтишди. Натижада тошкентликлар бир қатор вазиятларни юзага келтиришди.
Ўйинда яққол голга тортадиган вазият 18-дақиқада юзага келди. Зотеев Рашидов билан девор услубида ўйнаб, жарима майдончаси ичида зарба беришга муваффақ бўлди, тўп эса дарвоза устунига тегиб қайди. Орадан 4 дақиқа ўтиб эса дарвозабоннинг тўпга чиқишдаги хатосидан кейин даврозабон майдончасининг чап томонида турган Зотеевга келиб тушди. Олегнинг зарбасини дарвозабон қайтарди ва тўп Пишурга келиб тушди. Александр эса тўпни дарвозага йўллай олмади.
"Ал-Ҳилол" эса қарши ҳужумдаги дастлабки огоҳлик қўнғироғини 24-дақиқада чалишди. Сауд Харирий майдон марказидан бошлаб дарвозабон билан бирга-бир вазиятга чиқиб борди, аммо унинг зарбасига бироз аниқлик етишмади. Биринчи бўлим тугашига 7 дақиқа қолганида саудияликлар ўз услубида гол уришнинг уддасидан чиқишди. Шлҳуб тажрибали Ёсир ал-Қаҳтоний билан "девор" ўйнади дарвозабонимиз билан юзма-юз ҳолатда қолди. Ҳужумчиннг зарбасини Акбар Тўраев қайтарди, аммо қайтган тўпни Салим Давсарий дарвозага йўллаб ҳисобни очди.
Биринчи бўлим охиригача "Бунёдкор" нафақат ҳисобни тенглаштириши, ҳаттоки олдинга ўтиб олиши ҳам мумкин эди. Ғофуров етказиб берган тўпни қайтаришда меҳмон ҳимоячилари хатога йўл қўйишди. Аммо Рашидов жарима майдончаси ичида дарвозага аниқ зарба бера олмади. Биринчи бўлимга қўшиб берилган дақиқаларда Воҳид Шодиев жарима майдончаси ичида тўпни бош билан ортга қайтарди. Пишур чап оёқда кучли зарба йўллади. Тўп эса дарвоза устидан атиги бир неча сантиметрлар юқоридан ўтиб кетди.
Иккинчи бўлим очиқ ўйин борасида биринчисига қараганда янад шиддатлироқ кечди. Вакилларимиз кетма-кет ҳужум ташкил қилган бўлсалар-да, гол уриш учун саудияликларда яхшироқ имконият юзага келди. Аввалига тўп Дилшод Жўраевнинг қўлига теккани учун белгиланган жарима тўпни Шалҳуб дарвоза тўсини остига йўналтирди ва Тўраев тўни майдон ташқарисига чиқариб юборди. Бурчак тўпидан кейин эса Зорий яқин масофадан тўпни чалқанча услубда дарвозага йўллашга уринди. Тўп эса шундоққина дарвоза тўсини устидан ўтиб кетди.
Бугунги ўйинда "Бунёдкор"нинг "қанот"лари ва "стандарт"лари умуман фойда бермади. Аксинча, биринчи бўлимда марказдан уюштирилган ҳужумлар анча хавфли тус олаётганди, аммо иккинчи бўлимда Волков шогирдлари ўйинни негадир фақат қанотлар орқали ташкил этишди. Квак Тэ-Хви бошчилигидаги мудофаа вакиллари иккинчи қаватдаги курашларда вакилларимиздан устун келишди.
Иккинчи бўлимда Сами ал-Жабр шогирдлари қўпол хатога йўл қўйишмади. "Бунёдкор" биринчи бўлимда юзага келган вазиятлардан имкониятлардан фойдаланиш керак эди.
Ҳа, "Ал-Ҳилол" Тошкентдан ғалаба билан қайтмоқда. Аммо ҳал ҳамма нарса ҳал бўлгани йўқ. "Бунёдкор" жавоб ўйинида битта гол уриб олса, вазиятда тенглашади-қўяди. Умид қиламиз, жавоб ўйинида Волков тўғри тактика ва стратегия қўллаб, ижобий натижани қўлга киритишади.
Осиё чемпионлар лигаси, Нимчорак финал, дастлабки ўйин
"БУНЁДКОР" - "АЛ-ҲИЛОЛ" - 0:1 (0:1)
Гол: Салим Давсарий (38)
Огоҳлантиришлар: Хайрулла Каримов (35) — Салим Давсарий (43), Ёсир ал-Қаҳтоний (50), Абдуллоҳ ас-Сдаирий, (80), Абдулазиз ад-Давсарий (90+1)
"БУНЁДКОР": 45. Акбар Тўраев, 2.Акмал Шораҳмедов, 4.Хайрулла Каримов, 5.Дилшод Жўраев, 6.Анвар Ғофуров, 8.Жавлон Иброҳимов (Баҳодир Пардаев 77), 11.Олександр Пишур, 14.Воҳид Шодиев, 21.Сардор Рашидов, 23.Саҳоб Жўраев (Карлес Кото 53), 33.Олег Зотеев.
"АЛ-ҲИЛОЛ": 28.Абдуллоҳ ас-Сдаирий, Зорий, 4.Абдулла ад-Доссарий, Квак, Тэ-Хви, 10.Муҳаммад ал-Шлҳуб (Абдулазиз Давсарий 77), 14.Кастильо, 15.Носир аш-Шамроний (Холид Каабий 90+2), 20.Ёсир ал-Қаҳтоний (Абдуллатиф Ал Ғаннам 69), 26.Дигао, 27.Сауд Харирий, 29.Салим Давсарий.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
