Осиё Чемпионлар лигасида кетма-кет 7 мартта қатнашган “Бунёдкор” хар сафар гуруҳдан чиқиш вазифасини уддалади ва бу кўрсаткич билан қитъада рекорд ўрнатди. Лекин жамоа 2 йилдан бери ўз юришини нимчорак финалда тўхтатмоқда. Ўтган йилги “Бурирам Юнайтед”дан мағлубият тасодиф сифатида қабул қилинган эди. Сабаби, таркиб, тажриба ва маҳорат бобида “Бунёдкор” Таиланд жамоасидан устун эди. Бу йилги рақиб – Ал-Ҳилол” аксинча, айнан шу кўрсаткичлар бўйича “қалдирғочлар”дан устун бўлди. Лекин “Бунёдкор”нинг мағлубиятини фақат шуларга боғлаш нотўғри бўларди. Бу борада бошқа бир қанча омиллар ҳам бор ва уларга тўхталиб ўтишни жоиз деб билдик.
“Бунёдкор” ОЧЛ гуруҳ босқичини кетма-кет 2 мартта “Шарқ” минтақасида бошлади. Бунинг энг ноқулай томони, олис парвозлар деб бахоланди. Бу йил ниҳоят ОФК адолатни тиклади ва иккала минтақадаги клублар то финалгача бир-бирларига рўбарў келмасликлари ҳақида қарор чиқарди. Лекин биз яқин деб билган ғарбий минтақада йўл азоби ошса ошди-ки, камаймади. Бунинг асосий сабаби тўғридан-тўғри рейсларнинг йўқлигида. Эътиборингизга “Бунёдкор”нинг ОЧЛ даги сафар ўйинлари масофасини хавола қиламиз:
|
“Бунёдкор”нинг ОЧЛ-2014даги маршрути
|
|
№
|
Учрашув
|
Сана
|
Сафарга бориш маршрути
|
Ортга қайтиш маршрути
|
|
1
|
“Ал-Фатҳ” (Ал-Ҳаса, Саудия Арабистони)
|
25.02.2014
|
Тошкент-Дубай-Даммам-Ал Ҳаса 5593 км
|
Ал Ҳаса-Даммам-Дубай-Тошкент 5593 км
|
|
Сарфланган вақт: 17 соат
|
Сарфланган вақт: 17 соат
|
|
2
|
“Фулад” (Аҳваз, Эрон)
|
01.04.2014
|
Тошкент-Теҳрон-Аҳваз 2980 км
|
Аҳваз-Теҳрон-Истанбул-Олма Ота-Тошкент 9633 км
|
|
Сарфланган вақт: 26 соат
|
Сарфланган вақт 36 соат
|
|
3
|
“Ал-Жаиш” (Доҳа, Қатар)
|
23.04.2014
|
Тошкент-Дубай-Доҳа 5190 км
|
Доҳа-Истанбул-Тошкент 8428 км
|
|
Сарфланган вақт: 10 соат
|
Сарфланган вақт: 20 соат
|
|
4
|
“Ал-Ҳилол” (Ар-Риёд, Саудия Арабистони)
|
14.05.2014
|
Тошкент-Дубай-Ар Риёд 5506 км
|
Ар Риёд-Истанбул-Тошкент 7923 км
|
|
Сарфланган вақт: 11 соат
|
Сарфланган вақт: 20 соат
|
|
ЖАМИ:
|
19269 км (64 соат)
|
31577 км (83 соат)
|
Кўриниб турибди-ки, “Бунёдкор” 4 мартта сафарга бориш учун 50 минг километр йўл босишига тўғри келган. Самолётдан-самолётга кўчишда жадвалдаги вақт фарқларини, демакки аэропортларда 4-5 соат кутишни инобатга олсак, вазият анча жиддий кўриниш олади. Ўртача ҳисоблаганда ҳар сафар ортга қайтишда 1,5-2 сутка вақт йўқотилган. Рақиблар ҳам худди шундай холатда бўлган дейишга шошилманг. “Бунёдкор”нинг барча рақиблари Тошкентга чартер рейсларда келиб-кетишди ва ҳеч қандай йўл азобига дуч келишмади.
Кейинги омил – тақвимнинг зичлиги. 25 февралдан 23 майгача, яъни 3 ой мобайнида “қалдирғочлар” 18 бор майдонга тушишди. Шундан 8 таси ОЧЛ, 9 таси миллий чемпионат ва 1 таси Суперкубок баҳсидир. Бу – хар 5 кунда майдонга тушиш деганидир. 3 ой давомида. Бунга йўл азобларини ҳам қўшинг.
|
№
|
Сана
|
Мусобақа
|
Учрашув
|
|
1
|
25.02.2014
|
ОЧЛ
|
“Ал-Фатҳ” – “Бунёдкор” 0:0
|
|
2
|
07.03.2014
|
Суперкубок
|
“Локомотив” – “Бунёдкор” 1:2
|
|
3
|
11.03.2014
|
ОЧЛ
|
“Бунёдкор” – “Ал-Жаиш” 1:2
|
|
4
|
15.03.2014
|
Чемпионат
|
“Бунёдкор” – “Қизилқум” 2:1
|
|
5
|
19.03.2014
|
ОЧЛ
|
“Бунёдкор” – “Фулад” 1:1
|
|
6
|
23.03.2014
|
Чемпионат
|
“Машъал” – “Бунёдкор” 0:2
|
|
7
|
27.03.2014
|
Чемпионат
|
“Бунёдкор” – “Олмалиқ” 1:1
|
|
8
|
01.04.2014
|
ОЧЛ
|
“Фулад” – “Бунёдкор” 1:0
|
|
9
|
06.04.2014
|
Чемпионат
|
“Динамо” – “Бунёдкор” 0:2
|
|
10
|
11.04.2014
|
Чемпионат
|
“Бунёдкор” – “Локомотив” 1:1
|
|
11
|
16.04.2014
|
ОЧЛ
|
“Бунёдкор” – “Ал-Фатеҳ” 3:2
|
|
12
|
23.04.2014
|
ОЧЛ
|
“Ал-Жаиш” – “Бунёдкор” 1:2
|
|
13
|
28.04.2014
|
Чемпионат
|
“Бухоро” – “Бунёдкор” 1:1
|
|
14
|
02.05.2014
|
Чемпионат
|
“Бунёдкор” – “Навбаҳор” 3:0
|
|
15
|
07.05.2014
|
ОЧЛ
|
“Бунёдкор” – “Ал-Ҳилол” 0:1
|
|
16
|
14.05.2014
|
ОЧЛ
|
“Ал-Ҳилол” – “Бунёдкор” 3:0
|
|
17
|
19.05.2014
|
Чемпионат
|
“Насаф” – “Бунёдкор” 2:0
|
|
18
|
23.05.2014
|
Чемпионат
|
“Бунёдкор” – “Металлург” 2:0
|
Бу вақт оралиғида футболчиларнинг жисмоний холатини меъёрига етказиш учун машғулотлар ўтказишга имкон бўлмади ҳисоби. 3 ой давомида фақат тикланиш машқлари. Айниқса, мартнинг дастлабки 20 кунида 6 та ўйин ўтказиш, исталган жамоанинг силласини қуритиши мумкин. “Бунёдкор”нинг нафақат ОЧЛ, балки ички чемпионатда ҳам очколар йўқотишига айнан шу омиллар сабаб бўлди. Буни ўзини-ўзи оқлаш ёки бахона деб ҳисобламаслик керак. Бу кейинги мавсумлар учун ўзига хос сабоқ бўлди. Ва келаси йили ОЧЛ да иштирок этадиган жамоалармиз учун ўзига хос қўлланма бўлади. Айнан “Бунёдкор” туфайли кейинги мавсумда мамлакатимизнинг 2 жамоаси ОЧЛ ни тўғридан-тўғри гуруҳ баҳсидан бошласа, яна 2 клуб ўз омадини саралаш учрашувларида синаб кўриши мумкин. Лекин улар шунчаки иштирокчи бўлиб қолмай, бу нуфузли турнирда муваффақиятли қатнашиши учун барча жиҳатларни эътиборга олишлари зарур бўлади.
Фикримизча, бунинг учун асосий эътиборни қуйидагиларга қаратиш лозим бўлади:
1.Зич тақвимда ўйинчиларни ротация қилиш имконига эга бўлиш учун бир-бирининг ўрнини тўлдира оладиган 2 та таркибга эга бўлиш.
2.3+1 (легионерлар сони) дан максимал даражада самарали фойдаланиш.
3.Йўл азобини бартараф этадиган воситалар ишлаб чиқиш (имкон даражасида тўғридан-тўғри рейслардан фойдаланиш ёки чартер рейсларни амалга ошириш).
Албатта, буларнинг бари осон эмас. Лекин бунинг уддасидан чиқилса, ўзбек клублари бемалол энг юқори ўринлар учун кураша олишига ишонамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
