Ўзбекистон ва Уммон терма жамоалари ўртасидаги ўйиндан кейин терма жамоа билан расман хайрлашган Шацких, Бақоев ва Карпенко иштирокида матбуот анужмани ўтказилди.
Бақоев: Терма жамоадаги фаолиятим давомида бизни қўллаб-қувватлаб турган мухлисларга алоҳида раҳмат айтаман. Биз фақат улар учун ўйнадик.
Шацких: Улуғбекнинг фикрларига қўшиламан. Биз улар учун ўйнаймиз. Бизни қўллаб-қувватлаб келганликлари учун миннатдорчилик билдираман. Ҳаётимдаги ягона орзум амалга ошмади. Мен терма жамоа билан ЖЧга бора олмадим. Умид қиламан, янги жамоа яхши ўйинлар кўрсатиб, Мундиалга бора олишади. Барча миннатдорчилик билдираман.
Карпенко: Терма жамоа сафида олдимизга қўйилган барча мақсадларни амалга ошира олмадик. Умид қиламан, ёшлар Осиё кубогида ғолиб чиқиб, ЖЧга чиқа олишади. Футбол бир жойда тўхтаб турмайди. Биз эса терма жамоа учун қўлимиздан келган барча ишни қилдик.
- Терма жамоадаги энг ёрқин вазиятни таъкидлаб айта оласизми?
Карпенко: Терма жамоа либосидаги ҳар бир ўйин катта фахр. Уни сўз билан ифодалаб бўлмайди. Фаолиятимизда қувончли ва қайғули вазиятлар бўлди. Шунинг учун мен бир алоҳида ажратиб кўрсатмайман. Терма жамоадаги ҳар бир ўйин.
Шацких: Яхши ўйинлар кўп бўлган. БАА дарвозасига 1999 йилда урган голим хотирамда яққол сақланиб қолган. Шунингдек, терма жамоа сафида Самарқанддаги дебют ҳам.
Бақоев: Иордания терма жамоасига урган 2-голим.
- Улуғбек, сўнгги пайтлардаги терма жамоада ҳужумчилар муаммоси юзага келган. Буни қандай ҳал қилиш мумкин?
- Бу муаммо эмас. Ҳозирги пайтда ҳар бир жамоа яхши ҳимояланишни ўрганиб олган. Замонавий футболда ҳар бир чизиқ вакили гол уриши лозим. Ўзбек футболида ҳужумчилар муаммоси бўлмаган ва бундай кейин ҳам бўлмайди деб ўйлайман.
- Максим, акангиз Олег ҳозир нима билан банд?
- Москвада яшаяпти. Ўзининг бизнеси бор. Москвадаги ўзбекистонликлар сафида ҳаваскорлар мусобақасида ўйнаб туради.
- Терма жамоага бошқа мураббий ташриф буюрсаю, сизни яна термага таклиф қилса, бу таклифни қабул қилишингиз мумкинми?
Бақоев: Мен ярим йил - бир йилдан кейин футболчилик фаолиятимни якунласам керак. Шундан кейин оиламга кўпроқ вақт ажратмоқчиман.
Шацких: Агар терма жамоага 90 дақиқа давомида ёрдам беришга кучим етса ва менинг ўйиним мураббийни қаноанлантирса, мен бу таклифни рад қилмасдим. Аммо ёшимиз ўтиб бормоқда. Замонавий футбол тезлашиб бормоқда. Ҳозирги кунда тезкор жамоа ғалаба қозонмоқда. Қайтараман, майдонда 60-70 дақиқа эмас, айнан 90 дақиқа давомида ўйнай олсамгина терма жамоага қайтишим мумкин.
Карпенко: Ёш ўтиб қолди. Терма жамоа ЖЧ-2018ни кўзлаган ҳолда шаклланиб бориши керак. 2018 йилга бориб ёшимиз анчага бориб қолади. Бу ёшда Мундиалда иштирок этган футболчилар бор. Аммо барибир, жойни ёшларга берадиган пайт келди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
