Вадим Абрамов: "Жамоамизга келган янги футболчилар тезда мослашиб кетишди"
Локомотив" - "Навбаҳор" (2:0) учрашувидан сўнг ташкил этилган матбуот анжуманининг иккинчи қисмида майдон эгалари устози Вадим Абрамов иштирок этди.
"Жамоамизга келган янги футболчилар тезда мослашиб кетишди. Австриядаги йиғин айнан шундай мақсадда ташкил этилганди. У ерда бир неча ўртоқлик учрашувлар ўтказдик ва шу ўйинлар футболчиларга жамоага киришиб кетишида ёрдам берди. Қолаверса, бу футболчилар менинг услубимни яхши билишади. Улар билан аввал ҳам ишлаганман", -дейди Абрамов.
- Жамоада сардор ўзгардими ёки Карпенко майдонга тушмагани учун Тўхтахўжаев бу вазифани бажардими?
- Ҳа Ислом бизнинг вице-сардоримиз. Аввал ҳам Виктор ўйнамаган вақтда у сардорлик боғичи билан тушарди. Карпенко тушса Виктор сардор бўлади.
- Сиз Давлат Турдалиев билан яхши таниш эдингиз. У ҳақда қисқача фикрларингиз борми?
- У билан 2007 йил Австриядаги йиғин вақтида танишгандим. Турдалиевда бир кишида камдан-кам бўлган икки жиҳат мужассам эди: Инсонийлик ва кучли мутахассислик. Афсуски у энди орамизда йўқ. Мен унинг яқинларига оиласига ўз таъзиямни билдираман. Уларга ҳозир осон эмас. Бу ўзбек журналистикаси учун жуда катта йўқотиш бўлди деб биламан.
- Жамоада биронта легионер қолмади...
- Сабаби ўзимизнинг йигитлар улардан кучли. Аввал ҳам шуни айтганман.
- Шоғуломвни бугун ўйинга тайёр эканлиги учун майдонга тушурдингизми ёки рақиб кучини инобатга олибми?
- Унинг имкониятларини яхши билардим, йиғинда ҳам уни кўрдик. Шунингдек албатта, рақибдан келиб чиқиб ҳам шундай таркибни танладим. Алишер ҳали ёш. У келажак учун қилинган харид, десак ҳам бўлади.
- Гейнрихнинг ўйини чиқаверса чемпионлик қўлга киритиладими?
- Гейнрихсиз ҳам 33 очко тўпладик. Саша билан ҳозирча уч очко. Шундай экан, чемпион бўлиш ёки бўлмаслигимизни биргина Гейнрихга боғлаб қўйманг. Саша жамоага креатив олиб кирди. У ностандарт ўйинлар кўрсатади. Мухлислар учун ўйнашни билади. Шоу қилишга уста футболчи. Бу эса мухлисларга ёқади.
- 10 августга қадар трансфер ойнаси очиқ. Яна ўзгаришлар бўладими?
- Ҳозир аниқ гап айта олмайман. Жамоадаги футболчилар ўйин амалиётисиз қолиб кетмаслигини истайман.
Манба: www.lokomotiv.uz
Киритилди: 12:15, 05.08.2014. Ўқилди: 4666 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
