Игорь Шквирин: «Зафар Полвоновни бир йилдан бери «кўрмаяпмиз»
Учрашувдан сўнг ўтказилган матбуот анжуманининг иккинчи қисмига "Олмалиқ" устози Игорь Шквирин ташриф буюрди ва ўйин ҳақида фикрларини билдирди.
— Худди ўйинимиз каби бугунги натижадан ҳам қониқиш ҳосил қилмадим. Андижонга ғалаба учун келгандик ва шогирдларимдан бошқача ўйин кутгандим. “Андижон” чемпионат аутсайдери бўлса-да, бу ўйинга жиддий қараш керак эканлигини шогирдларимга икки кундан бери уқтиргандим. Олий лигада қолиш учун курашаётган жамоа ўз мухлислари олдида бизга жиддий қаршилик кўрсатиши аниқ эди. Амалда шундай ҳам бўлди. Бугун майдон марказидаги ўйинчиларимиз ёмон ҳаракат қилишди. Айниқса, Шакер Зуагининг ҳаракатларидан кўнглим тўлмади. Бу бугун кўплаб вазиятларда хатоларга йўл қўйди. Гол ўтказиб юборилган вазиятда ҳимоячиларимиз хотиржамликка берилишди. Бунинг оқибатида рақиб бизни гол билан жазолади. Албатта, дуранг натижасини ўйин мос бўлди дейиш мумкин.
— Жамоангизнинг асосий ҳужумчиси Зафар Полвоновни бугун захира ўриндиғида ҳам учратмадик...
— Полвоновни сизлар бугун кўрмаган бўлсанглар биз уни бир йилдан бери “кўраётганимиз” йўқ. Ҳужумчи урган голлари билан ҳужумчи дейилади. Негадир Зафар жорий мавсумда ўзини кўрсата олмаяпти.
Манба: www.andijon-pfc.uz
Киритилди: 12:02, 23.08.2014. Ўқилди: 3510 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар