“Бунёдкор” ёшлари таркибдаги ихтиёрий-мажбурий йўқотишларга биринчи бор дуч келишаётгани йўқ. Наманган сафари олдидан Ўзбекистон ёшлар терма жамоасига ёш “қалдирғочлар”нинг олти нафар футболчиси жалб этилди. Айни пайтда Таиландда ўқув-машғулот йиғини ўтказаётган футболчиларимиз – Акрамжон Комилов, Миржамол Қосимов, Сардор Азимов, Хуршид Ғиёсов, Достонбек Ҳамдамов ва Забихилло Ўринбоев Намангандаги баҳсда жамоамизга ёрдам бера олишмасди. Шу боисдан, ҳам асосий таркибимиз, ҳам ёшларимиз йўқотишларга яна бир карра дуч келишди. Лекин мураббийлар штаби вазиятдан чиқиб кетиш учун бошқа футболчиларга мурожаат этишди.
Ёшлар лигасининг “Навбаҳор” – “Бунёдкор” учрашуви Намангандаги Марказий стадионда ташкиллаштирилганлиги ўйиннинг янада чиройли ва шиддатли ўтишини таъминлади, десак муболаға бўлмайди. Чунки марказий стадионга йиғилган мухлислар қарсишида ҳар иккала жамоа аъзолари жудаям чиройли ўйин намойиш этиб беришди. Фикримизни биринчи бўлим мобайнида киритилган бир-биридан чиройли тўртта гол ҳам исботлаб турибди.
Учрашувнинг 22-дақиқасида Алибобо Раҳматуллаев томонидан оширилган тўпга Санжр Рихсибоев боши билан аниқ зарба бериб, ҳисобни очишга эришди. Лекин кўп ўтмай мезбонлар пенальтидан мувозанатни тиклашди – 1:1. Шундан сўнг гол уриш навбати яна “қалдирғочлар”га ўтди. Алибобо Раҳматуллаев, Анвар Бердиев, Аҳрор Умаржоно томонидан ташкил этилган чиройли комбинациядан сўнг Санжар Рихсибоев қулай вазиятга чиқди ва ўзининг аниқ зарбаси билан ҳисобни 1:2га оширди. Лекин бунёдкорчиларнинг хурсандчилигини Абдумалик Абдуллав узоққа чўздирмади. Ғайрат Жўраев томонидан бурчакдан оширилган тўпни Абдумалик бир уринишда дарвозага тўғрилаб, ҳисобни тенглаштирди – 2:2.
Иккинчи бўлим бошларида “Навбаҳор” ёшлари меҳмонлар дарвозаси олдида кучли босим уюштиришди. Лекин маълум вақтдан сўнг ҳужум қилиш навбати “қалдирғочлар”да, ҳимояланиш эса мезбонларда бўлди. Кетма-кет ҳужумлар ташкил этилди. Бироқ дарвозани ишғол қилиш бошқа ҳеч бир футболчига насиб этмади. Шу тариқа, ёшлар лигаси доирасидаги “Навбаҳор” – “Бунёдкор” учрашуви жангавор 2:2 ҳисобида дуранг натижа билан якун топди.
Ёшлар лигаси, 20-тур
“НАВБАҲОР” – “БУНЁДКОР” 2:2 (2:2)
Голлар: Санжар Рихсибоев 22 (0:1), Муҳамаджон Расулов 30 пенальти (1:1), Санжар Рихсибоев 32 (1:2), Абдумалик Абдуллаев 35 (2:2),
Огоҳлантиришлар: Азизбек Мамазоитов 53, Хожиакбар Юнусов 82
“Навбаҳор”: 12.Ислом Жўраев (24.Дониёр Усмонов 46), 4.Омонбек Ҳалилов (25.Искандар Сиддиқов 76), 5.Хожиакбар Юнусов, 6.Санжар Тошпўлатов, 7.Сардор Теляков (16.Муслим Саидбоев 86), 8.Билол Шарофиддинов, 14.Муҳаммаджон Расулов (9.Владислав Павловский 46), 15.Ботир Тўрабоев (С), 17.Акбаршох Рашидхонов (10.Дониёр Иномов 27), 20.Ғайрат Жўраев (3.Иброхим Исмоилов 73), 23.Абдумалик Абдуллаев (21.Аъзамжон Алиев 46),
“Бунёдкор”: 35.Абдукарим Муҳаммедов, 3.Ҳасан Асқаров, 4.Азиз Мамазоитов (8.Даврон Мамажонов 55), 6.Эргаш Исмоилов, 7.Санжар Рихсибоев, 10.Алибобо Раҳматуллаев (14.Камронбей Кападзе 72), 13.Зокиржон Нурматов, 15.Аҳрор Умаржонов (С) (17.Миразиз Жалолов 86), 18.Шоҳзод Абдураҳимов, 19.Анвар Бердиев, 20.Нодиржон Отажонов (9.Зарбулло Умаров 82)
Захира: 25.Элдор Адҳамов, 5.Шахриёр Имомхўжаев
Ҳакамлар: Рустам Толибжонов (Қўқон), Исломжон Носиров (Наманган), Мўминжон Мажидов (Наманган)
Учрашув назоратчиси: Алишер Абдуллаев (Тошкент)
19 сентябрь. Наманган” Марказий стадион
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
