Лукас Сильва: "Реалда ўйнашни истайман, Крузейро бунга рози бўлса, албатта"
"Крузейро" ярим ҳимоячиси Лукас Сильва Мадриднинг "Реал" клуби томонидан унга бўлаётган қизиқишдан хурсанд эканлигини айтиб ўтди.
"Сенга "Реал" каби катта ва буюк клублар қизиқиш билдирса, албатта ўзингни жуда бахтли ҳис қиласан. "Реал" томонидан менга бўлган қизиқиш янада кўпроқ ўз устингда ишлашга сабаб бўлади. Албатта, "Реал" сафида ўйнашни истайман. Аммо, ҳозирда "Крузейру" аъзосиман ва бу клубни жуда ҳурмат қиламан. "Крузейро" рухсат берсагина бу ерни тарк этишим мумкин. Мен "Реал"га ўтишим учун икки клуб ўзаро келишувга эришиши керак", дейди бразилиялик футболчи.
Эслатиб ўтамиз, Мадриднинг "Реал" клуби Лукас Сильвани Мадридни тарк этиши кутилаётган Сами Хедиранинг ўрнига ўринбосар сифатида ўз сафига қўшиб олмоқчи.
Манба: sports.ru
Киритилди: 11:14, 17.10.2014. Ўқилди: 3171 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар