Италия "А" серияси баҳсларида 11 тур ўйинлари ортда қолди. Биз якунланган тур ва бошқа бир қатор натижаларга эътибор қаратиб ўтмоқчимиз.
"Ювентус"дан Дел Перога "сюрприз"
Туриннинг "Ювентус" клуби собиқ футболчиси Алессандро Дел перонинг туғилган кунига ўзига хос тарзда совға ҳозирлади. "Кекса синорилар" шу куни "Парма" дарвозасига жавобсиз 7 та гол жойлаб қўйишди. Аллегри шогирдларини "А" серияда ким тўхтата олади деган савол ҳам очиқ қолмоқда. "Рома" Туринликларга қаршилик кўрсатмаса, Милан жамоаларидан рақобат кутиш қийин.
Милан: 2 ўйин – 4:4
Милан шаҳрининг икки жамоаси ҳам ушбу турда очко йўқотишди. Эътиборли томони уларнинг ҳар иккиси ҳам бир хил 2:2 ҳисобидаги дурангга имзо чекишди. "Интер" "Сан Сиро"да "Верона" билан, "Милан" эса сафарда "Сампдория" билан муроса кўчасини танлади. Агар жамоалар бундай тарзда очко йўқотишда давом этишса, келаси мавсумни ҳам Чемпионлар лигасидан ташқарида ўтказишларига тўғри келади.
"Реал"нинг собиқ ҳужумчилари "А" серияни гуллатишмоқда.
"Реал"нинг собиқ ҳужумчилари "А" серияда ўзларини яхши томонлама кўрсатишмоқда."Наполи" сафида Калехон 8 та гол билан тўпурарлар жадвалида карвонбошилик қилаётган бўлса, Игуаин ҳисобида 6 та гол мавжуд. "Ювентус"даги собиқ Мадридист Алваро Мората ўз ҳисобига 4 та гол ёздириб қўйди. Испаниялик ҳужумчига битта гол уриш учун ўртача 52 дақиқа кифоя қилмоқда.
"Милан"нинг япон машинаси
Ушбу мавсумда "Милан"да етакчилик ролини япониялик ярим ҳимоячи Кейсуке Хонда бажармоқда. Кунчиқар юртдан келган футболчи ҳозирча ўз ҳисобига 6 та гол ёзиб қўйди. Унинг жарима зарбалари ва кутилмаган қарорлари ҳимоячи ва дарвозабонлар учун ноқулайлик туғдирмоқда. Хонда "А" сериядаги энг яхши плеймекерлардан бири бўлиб турибди.
Кандрева – янги Пирломи?
"Лацио" ярим ҳимоячиси Антонио Кандрева ортда қолган 11 ўйинда 7 марта жамоадошларига голли узатмани амалга ошириб берган. Италиялик футболчи агар мана шундай натижаларни қайд этишда давом этса, янги мавсумда Римни тарк этиб, бирор гранд жамоа сафига бориб қўшилса неажаб.
Қариб қуюлмаган Ди Натале
"Удинезе"нинг 36 ёшли ҳужумчиси Ди Натале "А" серияда гол уришдан тўхтамаяпти. У ҳозирча ўз ҳисобига 6 та гол ёздириб қўйиш билан бирга, 3 та голли узатмани ҳам амалга оширди. Наталенинг ўйинини кузатар экансиз, уни 36 ёшда деб ўйламайсиз. Бу кетишда Антонио 40 ёшида ҳам тўпурарлар сафидан жой оладиёв.
Буффон ҳалиям Буффон
"Ювентус" посбони Жан Луиджи Буффон ҳалиям ўша Буффон эканлигини кўрсатиб қўймоқда. Италиялик голкипернинг ўйинларини кузатар экансиз уни 36 ёшда деб ўйламайсиз. Худди Ди Натале сингари. "Юве" дарвозабони ҳозирча 11 учрашувда ўз дарвозасидан 4 та тўп олиб чиқди холос.
Фурқат Юсупов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
