Осиё чемпионлар лигасининг 2015 йилги мавсуми учун квоталар тасдиқлангани ҳақида хабар бериб ўтгандик. Ана шу тақсимот борасида батафсил бериб ўтамиз.
ҒАРБ минтақаси
ОФК коэффициентлар жадвали бўйича Ғарб минтақасидаги мамлакатлар ОЧЛда қуйидаги ўринларни қўлга киритишганди:
1. Саудия Арабистони — 3+1
2. Эрон — 3+1
3. Ўзбекистон — 2+2 (3+1)
4. БАА — 2+2
5. Қатар — 1+2
6. Ироқ — 1+1 (лицензиялаштиришдан ўта олмади)
7. Кувайт — 0+1
8. Иордания — 0+1
9. Уммон — 0+1
10. Баҳрайн — 0+1
11. Ливан — 0+1 (лицензиялаштиришдан ўта олмади)
12. Сурия — 0+1 (лицензиялаштиришдан ўта олмади)
Аммо Ироқ, Ливан ва Сурия мамлакатлари клубларга нисбатан қўйилган лицензиялаштириш талабини бажара олишмади ва ОЧЛда иштирок этиш ҳуқуқидан маҳрум бўлишди (ҳаттоки саралаш босқичидан ҳам). Натижада гуруҳ босқичи Ироққа тегишли битта ўрин бўш қолди ва рейтингда 3-ўринни эгаллаган Ўзбекистонга берилди. Натижада Ўзбекистоннинг 3та клуби тўғридан-тўғри гуруҳ босқичида иштирок этиш ҳуқуқига эга бўлди. Яна бир жамоамиз эса саралаш босқичидан қатнашади.
Ўзбекистонга берилган "3+1" йўлланмаси фақат 2015 йил учун амалда бўлади. Келаси йили Ироқ лицензиялаштириш талабини бажарса, йўлланмаларимиз сони камайиши мумкин.
Саралаш босқичи
Гуруҳ босқичи учун бериладиган 4та йўлланма учун саралаш босқичи қуйидагича аниқланади (10 ва 17 февраль).
1-йўлланма учун: "Ал-Аҳли" (Саудия Арабистони) — "Ал-Қодисия" (Кувайт)/ "Ал-Виҳдат" (Иордания)
2-йўлланма учун: "Нафт Теҳрон" (Эрон) — "Ал-Жаиш" (Қатар) / "Ан-Наҳда" (Уммон)
3-йўлланма учун: "Бунёдкор" (Ўзбекистон) — "Ал-Жазира" (БАА)
4-йўлланма учун: "Ал-Ваҳда" (БАА) — "Ас-Садд" (Қатар) / "Риффа" (Баҳрайн)
Кўриб турганингидек, "Бунёдкор" 17 февраль куни Тошкентда БААнинг "Ал-Жазира" клубини қабул қилади. Бу жамоа БАА чемпионатида 3-ўринни эгаллаган.
ШАРҚ минтақаси
Шарқ минтақаси мамлакатлари ОФК коэффициентлар жадвалига кўра ОЧЛ учун қуйидаги квоталарга эга бўлишди. Шунингдек, барча мамлакатлар лицензиялаштириш талабини бажаришганини таъкидлаш лозим.
1. Жанубий Корея — 3+1
2. Япония — 3+1
3. Австралия — 2+1
4. Хитой — 2+2
5. Таиланд — 1+2
6. Вьетнам — 1+1
7. Индонезия — 0+1
8. Гонконг — 0+1
9. Мьянмар — 0+1
10. Малайзия — 0+1
11. Ҳиндистон — 0+1
12. Сингапур — 0+1
Саралаш босқичи
Шарқда саралаш тизими 3та босқичдан иборат бўлади (4, 10, 17 декабрь кунлари).
1-йўлланма учун: "Сеул" (Ж.Корея) — "Бекамикс" (Вьетнам) / "Персуб Бандунг" (Индонезия
2-йўлланма учун: Япония клуби — "Чонбури" (Таиланд) / "Китчи" (Гонконг)
3-йўлланма учун: "Централ Кост" (Австралия) — "Гуангжоу" (Хитой) — "Яданарбон" (Мьянма)/"Ворриорс" (Сингапур)
4-йўлланма учун: "Бейжинг" (Хитой) — "Бангкок Гласс" (Таиланд) — "Жоҳор Дорол Таъзим" (Малайзия)/"Бенгалуру" (Ҳиндистон)
Эслатиб ўтамиз, Осиё чемпионлар лигасининг гуруҳ босқичига қуръа ташлаш маросими 11 декабрь куни бўлиб ўтади. Гуруҳ босқичи эса 24 февраль куни бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
