“Бунёдкор” БАА йиғини доирасидаги илк назорат учрашувини Нидерландиянинг 14 карра чемпиони, Роттердамнинг “Фейеноорд” клубига қарши ўтказди.
“Бунёдкор” ва “Фейеноорд” клублари ўтказган музокара самараси ўлароқ ушбу учрашув ташкил этилди. Ўйин Дубайнинг кўзга кўринган ареналаридан бўлмиш “Шайҳ Ҳамдан Ал Мактум” стадионида бўлиб ўтди.
Бевосита учрашувга тўхталадиган бўлсак, Сергей Лушан Европанинг донгдор клубига қарши бошланғич таркибга анчайин ёш футболчиларни киритди. “Қалдирғочлар”нинг биринчи бўлимдаги ўртача ёши 18,7ни ташкил этди. Аксинча, “Фейеноорд” жамоаси эса баҳсни ўзининг асосий таркиби билан бошлади. Ҳар иккала жамоа ҳам ҳужумкор ўйин намойиш этишга ҳаракат қилди. Лекин ҳимоячилар ўз жойларида бехато ўйнашиб, хавфли ҳужумларни бартараф этиб туришди. Учрашувнинг 43-дақиқасида Забихилло Ўринбоев “Фейеноорд” дарвозасини жудаям чиройли тарзда ишғол қилиб, ўйиндаги ҳисобни очди. Жамоалар танаффусга “Бунёдкор”нинг кичик ҳисобдаги ғалабаси билан чиқиб кетишди.
Иккинчи бўлимда ҳар иккала жамоа таркиби деярли тўлиқ ҳолда янгиланди. Сергей Лушан иккинчи таймда тажрибали футболчилар билан бир қаторда жамоа сафига янги келиб қўшилган ўйинчиларни майдонга туширди. Танаффусдан кейин ҳисобни тенглаштиришга учун қатор ҳужумлар ташкил этган нидерландияликлар 64-дақиқада Тонни Триндаде де Виленанинг голи эвазига ўртадаги мувозанатни тикладилар – 1:1.
Учрашув шу ҳисоб билан якун топиб бораётган паллада Самир Бекричда ғалаба тўпини киритиш учун яхши вазият юзага келди. Лекин ярим ҳимоячимиз бу имкониятдан самарали фойдалана олмади.
Шу тариқа, “Бунёдкор” БАА йиғини доирасидаги илк назорат учрашувини Европанинг машҳур клуби “Фейеноорд”га қарши ўтказиб, 1:1 ҳисобидаги дуранг натижа қайд этди. Натижа қониқарли кўринса-да, мураббийлар штаби ушбу ўйиндан ўзларига керакли хулосаларни аниқлаб олиб, жамоани мавсумга янада яхши тайёрлашга ҳаракат қилишади.
Халқаро ўртоқлик учрашуви
“БУНЁДКОР” (Ўзбекистон) – “ФЕЙЕНООРД” (Нидерландия) 1:1 (1:0)
Голлар: Забихилло Ўринбоев 43 (1:0), Тонни Триндаде де Вилена 64 (1:1)
“Бунёдкор” 1-тайм: 25.Муроджон Зухуров, 5.Дилшод Жўраев, 19.Забихилло Ўринбоев, 29.Отабек Шукуров, 30.Ҳасан Асқаров, 32.Рустамжон Ашурматов, 38.Камронбей Кападзе, 40.Темур Аюпов, 44.Миржамол Қосимов, 47.Хуршид Ғиёсов, 48.Акрамжон Комилов
“Бунёдкор” 2-тайм: 1.Павел Бугало, 4.Хайрулла Каримов, 7.Шакер Зуаги, 11.Мирзохид Ғофуров, 15.Обид Жўрабоев, 16.Артём Филипосян, 17.Достонбек Ҳамдамов, 20.Самир Бекрич, 28.Дилёрбек Эрматов, 37.Достон Абдураҳмонов, 39.Элдор Шомуродов
Захира: 35.Абдукарим Муҳаммедов, 7.Минори Сато, 10.Анвар Бердиев, 13.Иван Милошевич
“Фейеноорд” 1-тайм: 16.Кеннат Вермер, 2.Люк Уилкшир, 5.Теренс Конголо, 6.Йорди Класи, 7.Жак-Поль Боэтьюс, 8.Карим Ал-Аҳмади, 10.Лекс Иммерс, 15.Колин-Казим Ричардс, 18.Микел нелом, 22.Свен ван Бек, 28.Йенс Торнстра
“Фейеноорд” 2-тайм: 1.Эрвин Мюлдер, 4.Йорис Матейсен, 6.Йорди Класи, 10.Лекс Иммерс, 14.Билол Басасикоглу, 19.Митчел те Вреде, 21.Тонни Триндаде де Вилена, 23.Халид Буларуз, 25.Люкас Ваунденберг, 26.Рик Карсдорп, 28.Йенс Торнстра
8 январь Дубай. “Шайҳ Ҳамдан Ал-Мактум” стадиони
Матнда хатолик топсангиз, ўша хатони белгилаб, бизга жўнатинг (Ctrl + Enter).
ОКМК
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
