Месут Ўзилнинг 50 миллион евро эвазига Мадриддан Англияга кўчиб ўтиши 2013 йилги трансфер мавсумининг гултожи бўлганди. Месут уч йил давомида “Реал”да ажойиб мавсумларни ўтказган, “Арсенал”да бутун жамоани ўз ортидан эргаштирувчи етакчи бўлишга умид қилганди.
Аммо кейинчалик унинг бу қарори нотўғри бўлганлиги аниқ бўлди. Месутнинг 2013/2014 йилдаги мавсуми жудаям нурсиз ўтди.
Роналдо. 1997 йил. 27 млн. долларга “Барселона”дан “Интер”га.
Бу вазиятда “Роналдо бекор Италияга ўтди” дейиш эмас, “у Испанияда қолгани яхши эди” дейиш тўғрироқ бўлади. Италиядаги биринчи мавсум унинг учун омадли кечди: УЕФА Кубогидаги ғалаба, А сериядаги 25та гол. Аммо жароҳатлар гирдобида қолган Роналдо қолган уч мавсумда ўзини умуман кўрсата олмади. Эктор Купернинг Миланга келиши эса Роналдонинг “Интер” билан хайрлашишига олиб келди.
Клаудио Лопес. 2000 йил. 35 млн. еврога “Валенсия”дан “Лацио”га.
Клаудио Лопес “Валенсия”га 1996 йилда келган бўлиб, тўрт йил давомида жамоанинг юрагига айланиб улгурганди. 2000 йилнинг ёзида у “Лацио”га ўша давр учун деярли рекорд миқдордаги пул эвазига ўтди. “Лацио”да ўтказган тўрт йил ичида Лопес “Валенсия”дагига нисбатан икки баробар камроқ гол урди, доимий равишда жароҳат олди ва охир-оқибат жамоадаги фаолиятини якунлашга мажбур бўлди.
Гаиска Мендьета. 2001 йил. 48 млн. еврога “Валенсия”дан “Лацио”га.
Гаиска моҳир ярим ҳимоячи эди. Римликларнинг бошни айлантирадиган таклифига учган ярим ҳимоячи “Лацио”га ўтди. Аммо бу унга қимматга тушди. Мендьета Италияда ўзини кўрсата олмади ва бир йилдан кейиноқ жамоани тарк этди.
Ривалдо. 2002 йил. “Барселона”дан “Милан”га.
1998 ва 1999 йилги мавсумларда Ривалдо Ла Лиганинг иккинчи энг яхши тўпурари бўлган, иккинчи мавсумда “Олтин тўп”ни ҳам қўлга киритганди. Аммо жамоа мураббийи Ван Гал билан келиша олмагач, у “Милан”га ўтишга қарор қилди. Бироқ у вақтини асосан заҳира ўриндиғида ўтказишга мажбур бўлди ва уч йиллик шартномасининг ярми ўтгач, “Крузейро”га ўтиб кетди.
Робиньо. 2008 йил. 40 млн. еврога “Реал”дан “Манчестер Сити”га.
Робиньо 2005 йилдан 2008 йилгача “Реал”да ўтказган мавсумларида жамоанинг тенгсиз футболчиларидан бирига айланганди. Аммо Рамон Калдерон уни Криштиану Роналдуга алмаштирмоқчи эканлиги ҳақида миш-мишлар тарқалди. Лекин Роналду Мадридга келмаслиги аниқ бўлгач, Робиньога янги шартнома таклиф этишди. Бироқ қаттиқ хафа бўлган Робиньо бу таклифни рад этди ва “Манчестер Сити”га ўтди. “Шаҳарликлар” таркибида у биринчи мавсумни муваффақиятли ўтказди, лекин иккинчи мавсумда олган жароҳатидан сўнг ўзига кела олмади. Оқибатда “Сантос”га кетди, лекин илгариги қобилиятини тиклай олмади.
Радамель Фалькао. 2013 йил. 55 млн. еврога “Атлетико”дан “Монако”га.
Колумбиялик тўпурар “Монако”га ўтишга ўзи қарор қилганди. Мавсум ёмон бошланмади, лекин оғир жароҳат унинг нафақат ўша мавсумда, балки жаҳон чемпионатида ҳам ўзини кўрсата олмаслигига сабаб бўлди. “МЮ” унинг ижарада ўйнаши учун 15 млн. евро тўлади. Бир пайтлар ҳар қандай ҳимоя қўрғонини ёриб ўтадиган ҳужумчи ҳозирда “Юнайтед”да иккинчи рақамли ўйинчига айланган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
