Мусобақанинг энг қизиқ учрашуви ниҳоясига етди. Эрон терма жамоаси катта иродани кўрсатган бўлсада, ярим финалга омади келган Ироқ йўл олди.
Ўйин тенг курашлар остида бошланди. 25- дақиқада эронликларнинг умидли ҳужумчиси Сардор Азмун боши билан зарба йўллаб ҳисобни очди. Шундан сўнг жамоалар дарвозаларга хавф солиб туришди. Биринчи бўлим охирларида, аниқроғи 43-дақиқада Пўладий Ироқ дарвозабони билан бирга бир вазиятда тўпга улгура олмади ва Ҳассанни оёқлари билан туртиб юборди. Бу Ироқ термаси посбонига ёқмади ва ўрнидан туриб, Пўлодийга норзозилигини унинг кўкрагига туриш билан кўрсатди. Пўлодий эса ўзини майдонга ташлади ва оғир зарба олгандай узоқ ётди. Ўрнидан турганидан сўнг австралиялик ҳакамнинг қўлида қизил карточкани кўрди.
Иккинчи бўлимнинг дастлабки 5 дақиқасида бир киши кўп ҳаракат қилаётган ироқликлар икки марта яхши вазиятга эга бўлдилар, аммо икки сафар ҳам Ҳақиқийнинг маҳорати тўпни дарвозадан жой олишига тўсқинлик қилди.
Бир киши кам бўлишига қарамай ғалаба қозониш нима эканлигини яхши билган эронликлар ҳам қарши ҳужум уюштириб турдилар. 55-дақиқада қанотдан бошланган ғужумни яна ўша Сардор Азмун ўзи ниҳояга етказиб қўйишга уринди ва ноаниқ зарба бериб, шерикларининг норозилига сабаб бўлди. Шу вазиятдан сўнг қарши ҳужумга ўтган Ироқ терма жамоаси ҳисобни тенглаштирди. Чап қанотда пастлатиб узатилган тўпга Юнус Маҳмуд улгурмади, аммо ундан кейинроқда турган Аҳмад Ёсин тўпни ўзига тўғрилаб олди ва Ҳақиқийнинг оёқлари орасидан ўтказиб, ҳисобдаги мувозанатни тиклади.
Учрашувнинг асосий вақти 1:1 ҳисоби билан тугади. Экстра-таймнинг 3 дақиқасида Ироқ ҳужуми гол билан тугади. Чап қанотдан оширилган тўп эронлик ҳимоячиларидан ўтиб Юнус Маҳмудга ўтиб келди, ироқ фахрийси майдондан унча баландда келмаган тўпни боши билан даврозага жойлаб қўйди.
Қўшимча вақтнинг биринчи бўлими якунига етай деб қолганда, таслим бўлмаган эронликлар бурчак тўпини тепишга муваффақ бўлдилар. Бурчакдан чиқарилган тўпни Муртазо Пуралиганжий бош билан қандай ўйнаш кераклигини ҳаммага кўрсатиб, дарвозага киритди ва хурсандчилигини эронлик мухлислар қучоғида нишонлади.
115-дақиқада худди ўша Пуралиганжий жарима майдончасига ўқдай отилиб кирган Ёсир осимнинг оёқлари остига ташланиб, ўз дарвозасига пенальти белгиланишига сабаб бўлди. Пнальтини Дурғам Исмоил аниқ бажариб ироқликларни яна олдинга олиб чиқди.
Аммо бу ҳали ҳаммаси эмас эди. Экстра-тайм тугишига бир дақиқа қолганда эронликлар яна бурчак тўпи ишлаб олишди. Бурчак тўпи тепилди, эронликларнинг биринчи зарбаси ҳимоячига тегиб қайтди, иккинчиси дарвоза тўсинига тегиб қайтди ва уни Ризо Ғуччанажод боши билан дарвозага йўллади - 3-3.
Пенальтилар сериясида Ироқнинг қўли баланд келди 7-6.
Осиё кубоги, чорак финал
Эрон – Ироқ 3:3 (пенальти серияси - 6-7)
Голлар: 1:0 – 24 Азмун, 1:1 – 56 Аҳмад Ёсин, 1:2 – 93 Маҳмуд, 2:2 – 103 Пуралиганжий, 2:3 – 116, пенальти Исмоил, 3:3 – 119 Ғуччанажод.
Эрон – Ҳақиқий, Пўладий, Ҳажсафий, Ҳуссайний, Пуралиганжий, Шожаий (Амирий, 46), Ғофурий, Дежаға (Ғуччанажод, 83), Некунам, Теймурян, Азмун (Жаҳонбахш, 63).
Ироқ – Ҳассан, Исмоил, Шокир, Ҳалаф, Салим, Ғани (Калаф, 107), Қосим, Абдул Амир, Абдул Заҳра (Аднан, 65), Маҳмуд, Мерам (Ҳуссайн, 46).
Пенальтилар серияси: 6-7
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
