Барчага маълумки , 25 февраль куни “Насаф” Қаршида мавсумнинг илк расмий ўйини – Осиё Чемпионлари Лигаси-2015 мусобақасининг илк турида Эроннинг “Тракторсозий” клубига қарши майдонга тушади.
Ушбу ўйинга чипталар қачон ва қандай сотилиш бўйича ҳозирдан мухлислар мурожаати кўпайиб бормоқда. Биз бу ва бошқа саволларга жавоб топиш учун клубимиз маркетинг бўлими бошлиғи Заҳро Каримовага мурожаат қилдик.
- Айтингчи “Насаф”нинг 25 февраль куни бўладиган ОЧЛ-2015 даги илк учрашувига тайёргарликлар қандай кетаяпти?
– “Насаф” ПФК маркентинг бўлимида айни кунларда ушбу футбол байрамига қизғин тайёргарлик ишлари кетаяпти, ҳозирги кунда учрашувга чиқарилган чипталар тайёр бўлди. Чипталарни сотиш бўйича режаларимиз ҳам тайёр.
- Чипталар нархлари бўйича маълумотлар бера оласизми?
– Албатта, бизнинг “Марказий” стадионимизда CIP ва яна 18та секторлар бор, шу секторларни тўрт тоифага ажратганмиз.Булар 1-тоифа (CIP), 2-тоифа (1, 2, 6, 7 ва мухлислар клуби секторлари), 3-тоифа стадион 2-қаватидаги секторлар (12, 13, 14, 15, 16, 17, 18), 3-тоифа футбол майдони дарвозаларининг орқа томонидаги (3, 4, 5 ва 9, 10, 11) секторлар. Ана шу тоифаларга монанд 1-тоифа чипта нархи 25 000 сўм, 2-тоифа чипта нархи 15 000 сўм, 3-тоифа чипталар нархи 10 000 сўм ҳамда 4-тоифа чипталар 5 000 сўм қилиб белгиланган.
- Чипталар сотувга қачон чиқади?
– Чипталар сотуви учрашувга 2 кун қолганда, яъни 23 февраль куни эрталабдан фақат стадион чиптахоналари орқали сотила бошланади ва учрашув куни ҳам давом эттирилади.
- Чипталарни олдинроқ сотувини ташкил қилишни имкони йўқми?
– Бу клубнинг иқтисодий хавфсизлиги юзасидан шундай қилинаяпти, яъни қалбакилаштиришни олдини олиш учун. Аммо жорий мавсумдан чипталарни олдинроқ, алоҳида буюртмалар асосида ҳам сотишни ташкил қилапмиз. Масалан,воҳамиздаги корхона ёки ташкилот ўз ходимларига алоҳида буюртма бўйича харид қилишлари мумкин. Бу ҳолатда корхона ёки ташкилот номидан клубимиз раҳбарига расмий хат билан мурожаат қилишади ва пул ўтказиш йўли билан тўлов қилишиб, харид қилишлари мумкин. Бунда чипталар сони чегараланмаган.
- Стадион чиптахоналаридан чипта харид қилаётган фуқароларга чипталар сони бўйича чеклов мавжудми?
– Ҳа, ҳар бир чипта харид қилаётган фуқоро бештагача чипта харид қилиши мумкин. Бу чекловни чипталар олибсотарлар қўлига ўтиб кетмаслик учун қилаяпмиз.
- Чипталарни пластик карточкалар орқали ҳам харид қилиш мумкинми?
– Албатта, биласиз Ипотека банк ёнида 1-чиптахонамиз жойлашган. Ана шу чиптахонада терминал ўрнатилади ва у ерда пластик карточкалар орқали чипталарни бемалол харид қилиш мумкин бўлади.
- Ўзингиз биласиз, кўпгина хорижий давлатлардаги клубларда ўзларининг шартнома асосида чипта тарқатувчи агентлари бўлади, “Насаф” клубида ҳам шуни ташкил қилса бўлмайдими?
– Бу соҳада хорижий клубларни тажрибаларини ва ўзимизнинг мавжуд имкониятларимизни ўрганаяпмиз. Келгусида чипталар сотувини шундай ташкил қилиш режамиз ҳам бор.
- “Насаф” ПФК маркетинг бўлими учрашув куни ўз мухлисларига яна нималарни таклиф қилиши мумкин?
– Жамоамизнинг ўйини ўтказилаётган кунларда биз ўз мухлисларимизга стадион худудида жойлашган дўконларимиз орқали клуб атрибутикаларини, алкоголсиз ичимликлар ва енгил овқат турларининг савдосини ташкил қиламиз, бу хизматдан барча учрашувга ташриф буюрган мухлислар фойдаланишлари мумкин.
- Бу охирги саволимиз, “Насаф” мухлисларига қандай тилакларингиз бор?
– Биз аввало мухлисларимиз соғ-саломат бўлишларини, юртимиз тинч бўлишини ҳоҳлаймиз, зеро тинч ва обод юртга ана шундай байрамлар ярашади.Ўйлаймизки, футболчиларимиз янги мавсумда янги марраларни забт этиб, ҳам мухлисларни хурсанд этишади.
- Суҳбатингиз учун катта раҳмат.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
