Бугун ПФЛ Кубоги-2015нинг финал ўйини бўлиб ўтди. Унда воҳанинг икки клуби “Машъал” ва “Шўртан” майдонга тушишди.
Муборакликлар турнирнинг амалдаги ғолиби саналишарди. Ўйиннинг асосий вақти 2:2 ҳисобидаги дуранг билан якунланди. Шуниси диққатга сазоворки, “газчилар” посбони Ботир Носиров асосий вақтга қўшиб берилган дақиқада ҳисобни тенглаштиришнинг уддасидан чиқди. Дарвозабон майдон муборакликлар томонидан жарима тўпини амалга оширди. Олдинроққа чиқиб кетган Темур Жўраев тўпни қайтара олмади.
Асосий вақт дуранг билан тугаганидан сўнг жамоалар пенальтилар сериясида ғолибни аниқлашди. Унда омад “Шўртан” футболчиларига насиб этди. “Машъал” сафида Владислав Иванов ва Зоҳир Қўзибоев пенальтини аниқ амалга ошира олишмади.
Кубок кетма-кет иккинчи марта Қашқадарёга йўл олмоқда, фақат ўтган йилгидан фарқли равишда Муборакка эмас, Ғузорга. “Шўртан” клуби 2008 йилда ҳам ПФЛ Кубогида ғалаба қозонганди.
Ушбу ғалаба билан “Шўртан” клуби ва унинг мухлисларини табриклаймиз.
ПФЛ Кубоги-2015. Финал
МАШЪАЛ – ШЎРТАН 2:2 (пенальтилар бўйича – 4:2)
Голлар: 1:0 – Ғиёс Комилов (28), 1:1 – Виктор Карпенко (65-пен.), 1:2 – Зафар Полвонов (70), 2:2 – Ботир Носиров (90)
Матнда хатолик топсангиз, ўша хатони белгилаб, бизга жўнатинг (Ctrl + Enter).