Кеча “Бухоро” ПФК ўз анъанасига содиқ қолган ҳолда янги мавсумдан олдин ўз мухлислари билан учрашувни ташкиллаштирди. Ушбу учрашув “Бухоро” спорт мажмуасидаги конференциялар залида бўлиб ўтди.
Йиғилишда Бухоро вилоят ҳокимлиги маданият ва спорт ишлари бошқармаси бошлиғи Жамшид Рашидов, “Бухоро” клуби спорт директори Геннадий Кочнев, “Бухоро” клуби ижрочи директори Амрилло Нажмиддинов, “Бухоро” клуби бош мураббийи Александр Мочинов бошчилигидаги мураббийлар штаби ва “Бухоро” футбол клуби футболчилари қатнашишди.
Йиғилишда даставал “Бухоро” жамоасига янги тайинланган бош мураббий Александр Мочинов сўзга чиқди:
“Ассалому алайкум ҳурматли футбол ишқибозлари. Барчангизни янги кириб келаётган футбол мавсуми билан табриклайман. Ушбу учрашувни ташкиллаштирилганидан жуда хурсандман. Мухлислар ҳозирги кунда, ОАВ да жуда кўплаб маълумотларга эга бўлишмоқда, лекин баъзан ҳатто-ки, ўзимиз ҳақимиздаги, биз билмаган ва ўринсиз маълумотлар пайдо бўлиши одатга айланиб боряпти. Шунақа ҳолатлар бўлмаслиги учун жамоамизда расмий сайт фаолият юритиб келмоқда ва ишонтириб айтаман-ки, энг аниқ маълумот айнан расмий сайтда берилади. Мана ҳозир барча мухлислар энг аниқ маълумотни биз орқали билиб олишлари ҳам мумкин бўлади”, — дея гап бошлади Мочинов.
Александр Владимирович жамоани қабул қилиб олганидан сўнг нима ишлар бажарилгани ва барча йиғинлар, назорат учрашувлари тўғрисида батафсил маълумот бериб ўтди.
Шундан сўнг, мухлисларга сўз берилди ва барча ўзи қизиқтирган саволларни йўллади. Саволлар жуда турли мавзуларда бўлди. Турли муаммолар кўтарилди. Жумладан, “ҳозир мухлислар орасида турли миш-мишлар юрибти, “Бухоро”нинг дастлабки уй учрашуви Вобкентда ўтказилармиш”, — деган савол берилди. Бу саволга Геннадий Кочнев жавоб қайтарар экан, “Йўқ, биз майдон майсаси март ойи ўртасига келиб нормал ҳолатга келиши учун барча ишларни амалга оширдик ва мана бугун майдон ҳолати март ойи учун ёмон эмас. Шу сабабли сўзсиз 2-тур учрашуви “Бухоро” спорт мажмуасида бўлиб ўтади”, — дея мухлисларни ишонтирди.
Яна бир миш-миш йўққа чиқарилди, "Биздаги маълумотларга қараганда "Бухоро" Германия 2-бундеслигасидан ҳамда "Бунёдкор" ҳимоячиси Анвар Ғофуровни жамоага қўшиб олганмиш, шу ростми?", — деган саволга Мочинов қуйидагича жавоб қайтарди: "Юқорида айтиб ўтганимдай, булар хато маълумот. Биз хеч қанақа Бундеслига вакили билан музокара олиб борганимиз ҳам йўқ. Ғофуров билан ҳам бу масала кўриб чиқилмади. Мана шунақа ҳолатлар бўлмаслиги учун, фақат ва фақат расмий сайт берган маълумотга таянишингизни илтимос қилган бўлар эдим", — деди Мочинов.
Шундан сўнг кейинги савол Жамшид Рашидовга берилди. Мухлислар ёзнинг жазирама изиғида, трибуналарда мухлислар учун ичимлик сувлари ташкиллаштириб беришларини илтимос қилишди. Рашидов томонидан эса ўз навбатида ушбу илтимос ерда қолмаслиги ва албатта мухлислар учун янада кўпроқ қулайликлар яратиб берилиши тўғрисида ваъда берилди.
Яна бир муаммо жамоалар раҳбариятига етказилди. Бу ёз вақтида учрашувларнинг бошланиш вақтлари тўғрисида бўлди. Мухлисларимиз Бухородаги учрашувлар ёз пайтида кеч соат 19:00 дан кечроқ бошланишини илтимос қилишди ва бу илтимос ҳам инобатга олиниши тўғрисида ваъда берилди.
Бундан ташқари жуда кўплаб саволларга жавоблар берилганидан сўнг, бевосита футболчиларни таништириш маросими бўлиб ўтди. Мавсумлар оралиғида жамоа кўплаб янги футболчиларни жамоага таклиф этди, жумладан: Раҳматуллаев, Турдиев, Исроилов, Абибуллаев, Тожиев, Пономарёв, Умаржонов, Акбаров ва легионер Хаоши. Бу легионер яқин кунлар ичида жамоа ихтиёрига етиб келади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
