|
ЖАВОБ: "Сичқон ови"да нафақат футбол, балки жуда кўп соҳаларда ҳам шунга ўхшаш муаммолар борлигини ва бундан қутулиш кераклиги ҳақида ёзганман. "Мен футболимизга муаммо сифатида қарамайман" - бу дегани, бизда фақат футболнинг ўзи алоҳида муаммо бўлиб чиқаётгани йўқ.
Айтайлик, автомобилнинг тормози ишламаяпти, яхши ўт олмаяпти, баллони тешилган ва ҳоказо. Лекин биз ўтириб олиб, "нега орқа ойна очилмаяпти" деб муҳокамага киришмаймиз-ку, машинага нима бўлди, деганда биринчи бўлиб ўша орқа ойнани айтмаймиз-ку, тўғрими? Қачонки, ўша ойнани тузата оладиган усталар билан суҳбатлашиб қолсак, ўша муаммога урғу берилади. Айтмоқчиманки, конференцияда кўпроқ умумийроқ, четдан қараш мумкин, вазиятга кенгроқ қараб, ҳатто футболимиз жойида деб хулоса бериш ва асослаш ҳам мумкин. Лекин айнан футбол блогида, футбол ҳақида мақола ёзилаётганда, асосан футбол муаммоларига урғу берилади, табиий равишда. "Ўзи аҳвол шу, борига шукр" деб ҳаммасидан кўз юммаймиз, албатта. Ёки ҳадеб ютуқларни ҳам эслаб, таққослашга мажбур эмасмиз. Мисол учун Усмонов даврида олдингилардан кўра сезиларли ўсишга эришилган. Шароитлар, имкониятлар ва ҳоказолар бобида. Буни тан олишимиз керак. Аммо муаммолар ҳақида ҳам ёзишга ўзимизни тўсмаймиз, аслида. Кўпчилик бошқача тушунади - Сен Усмоновга қарпшимисан ёки тарафдормисан? Абрамовчимисан ёки унга қаршимисан? деган саволлар пайдо бўлади. Аслида оқ ва қора ахтармасдан, ҳар доим яхши ва ёмон томонларни бирдек эътироф этиб бориш керак. Жавоб берилган сана: 24.06.2012 14:11
|