Россиянинг Спорт Экспресс сайти ижодкорлари Олмониянинг Welt нашридан қизиқарли боқшотирма тайёрлагани ҳақида мақола таржима қилишган. Ушбу мақола билан сизларни таништириб ўтамиз.
Сарлавҳа остидаги расмда ўзига хос шифрлар яъни ижтимоий тармоқлардаги смайликлар комбинациясида Бундеслига клубларининг номи ёзилган. Суратчаларнинг ҳар бири ё жамоага ёки клуб лигада шарафини ҳимоя қилувчи ҳудудга алоқадор. Мақоламизни ўқишдан аввал жумбоқларни ечишга бир уриниб кўринг!
1. КЁЛЬН
Бу ерда гўё ҳаммаси тушунарли, черков шаҳар рамзи. Кёльнни немисчасига Domstadt яъни черковлар шаҳри деб ҳам аташади. Кейинги суратча карнавал белгиси – Кёльнда ўтадиган энг катта тадбирлардан бирининг рамзи. Жамоанинг футболдаги, логотипдаги белгиси эса эчки. Телевизор Кёльннинг Германия медиапойтахтларидан бири эканини англатади. 4 рақами шаҳарнинг тинчлик ва дўстлик ришталарига лиммо-лим эканини билдириши тахмин қилинган.
2. ГЕРТА
Берлин – Германия пойтахти эканлигини кўпчилик жуда яхши билади. Аммо ўтган асрнинг 90-йилларига қадар ГДР ва ГФРни Берлин девори чегара сифатида иккига ажратиб турганини ҳамма ҳам билавермайди. Самолёт –барчага таниш BER аэропортининг қайғули ўтмишидан сўзлайди. 2012-йилда уни қайта таъмирлаб фойдаланишга топширишлари лозим эди, аммо қурилиш ишлари ҳали ҳам якнуига етмаган. Бу қадар узоқ давом этган қурилиш ишлари шаҳар учун чинакам иснод дейди маҳаллий журналистлар. Айиқ – Берлин шаҳрининг асосий рамзи, пулларга келсак, бу икки хил маъно англатиши мумкин. Биринчиси мамлакат пойтахти бўлгани сабаб у ерда пуллар кўплигини, иккинчиси эса шаҳарнинг аллақачон банкрот бўлиб, қарз эвазига яшаётганини.
3. ВОЛЬФСБУРГ
Вольфсбург шаҳри унчалик қувноқ жой эмас, аммо сўнгги вақтларда вазият ўзагриб бормоқда. Бир вақтлар аниқроғи ўтган асрнинг 90-йилларида поезд машинистлари бу шаҳардаги бекатда тўхтамай ўтиб кетишлари кўп кузатилган экан. Ушбу зерикарлилик кактус ифодалаётган бўлса ажабмас. Ёки ўсимликнинг яшил экани “бўрилар” уй либосининг рангини ифодалар. Машина – эса Wolkswagen автоконцерни жамоа бош ҳомийси эканини англатади. Пуллар – “Вольфсбург”нинг мусобақа жадвалида юқори ўринларда бориши, совринлар олишида энг муҳим омил.
4. МАЙНЦ
Майнц –Германиянинг боғдорчилик ва узумчилик тарққий этган шаҳри. Баъзилар ҳатто бу шаҳардан бошқа ерда етиштирилган шароб аслида парашокдан тайёрланади дея ҳахил ҳам қилишади, аслида эса бу ёлғон. Бу ерда ҳам Кёльндаги каби карнавал ўтказилади, Германиядаги таниқлик черковлардан бири ҳам шу шаҳарда қад ростлаган. Шунингдек Майнц китоб нашр қилиш қурилмасини ихтиро қилган Иоганн Гутенберг туғилган маскан ҳисобланади.
5. БАЙЕР
Леверкузен шаҳридаги Арена – Германияда бевосита стадионда тезкор таомлар ресторани жойлашган ягона ўйингоҳ. Қизиғи бу овқатланиш шаҳобчаси тизими мамлакатдаги катта бизнесмен, 1988-йилги Олимпия ўйинлари ғолиби бўлган собиқ боксчи Генри Маскега қарашли. Борди-ю шу фаст-фуд деб ошқозон азият чекса, конфликтни ҳал қиладиган тезкор ечим мавжуд. Леверкузенда Европадаги энг машхуро фармацевтик завод ишлаб туради. “Байер”нинг ҳомийси ҳам дори заводи, аммо бу ҳомийлик жамоага ҳали мамлакат бош совринини келтирмади. Шунга қарамай клуб кўп марта кумуш медалларни қўлга киритган.
6. ГАННОВЕР
“Ганновер” мухлислари бу йилги мавсум клуб раҳбарияти билан кўп бора жанжаллашди, сабаби раҳбарият уларга Европада кўп фанатларга қўйилаётган одатий таъқиқлар қўйганди. Яъни трибунада пиротехника ёқмаслик, рақиб жамоа мухлисларига ҳурмат билан муносабатда бўлиш ва ш.ў. Бойкот қўйган мухлисларнинг айримлари стадионга келишмаган бўлса, баъзилари келишди-ю шовқин-сурон кўтаришмади. Карнай нафақат шу омилни, балки шаҳарда жойлашган эшитиш мосламалари ишлаб чиқарувчи катта корхонанини ҳам ифодалайди. Шунингдек, бу ерда кўплаб халқаро кўргазмалар ўткзаилади. Ганноверда Германиядаги энг қадимий ипподромлардан бири фаолият олиб боради.Қизил шарча жамоа формаси тимсоли.
7. ШТУТГАРТ
Штутгарт ҳам Германиядаги автомобилсозлик саноати ривожланган шаҳарлардан бири. Бу ерда ҳам узум ва вино етиштирилади ва ҳатто шаҳар ҳудудида ҳам узумзорларга дуч келиш мумкин. Шу сабабли жамоа анча бой, бироқ маҳаллий мухлислар “тимсоҳлар” дея лақаб қўйган клуб сўнгги йилларда борган сари иккинчи лигага қулашда давом этмоқда.
8. ДАРМШТАДТ
Бундеслига янги жамоаси билан танишинг: “Дармштадт”. Жамоа бир йил аввал иккинчи лигага чиққанида, шаҳар кўчаларидаги барча тонггача муваффақиятни нишонлаганди. Май ойида клуб Бундеслигага йўлланма олганидан кейин ушбу ҳолат яна такрорланди. Клуб рамзи лилия гуллари ҳисобланади.
9. АЙНТРАХТ
Франкфурт – баланд миноралар шаҳри, Германиядаги ишбилармон инсонлар кўп истиқомат қилувчи ҳудуд. Шу сабаб ҳам бу ерда Европдаги энг катта аэропортлардан бири жойлашаган. Сиз кўриб турган жўжа аслида клуб рамзи бўлган бургутни ифодалаётган бўлса ажабмас. Олма эса – Ebbelwoi яъни франкфурт олмали виноси демакдир.
10. ШАЛЬКЕ
Гельзенкирхен бир вақтлар ишчи ва кончилар маскани бўлган, лекин ҳозир шахталар деярли қолмаган. Шу сабаб жамоа ҳомийни ташқаридан излашига тўғри келди, Россия энергетика компанияси жамоа билан ҳамкорлик қилади. Суратчадаги чўчқача борасида икки хил тахмин мавжуд. Бу шаҳар яқинидаги энг катта колбаса заводларидан бирини ёки айни вақт Бельгия терма жамоасига мураббийлик қилаётган Марк Вильмотсни ифодалаётган бўлиши мумкин. Футболчилик вақтида у “Шальке”да Kampfschwein яъни жангари қўбон лақабини олганди.
11. БОРУССИЯ ДОРТМУНД
Эмма асалариси клуб рамзларидан бири, Германияда уни Echte Liebe яъни ҳақиқий муҳаббат сўзи билан боғлиқ деб тушунадилар. Рйўхатдаги учта сурат Марко Ройснинг ўша машхур гол киритгандан кейинги нишонлашда қилган қилиқларини билдиради.
12. ХОФФЕНХАЙМ
Зинсхайм аҳолиси у қадар кўп бўлмаган ҳудуд тахминан 35 минг фуқаро истиқомат қилади. Шу сабабми футболчиларни кўпинча “қишлоқликлар” дейишади. Бир вақтлар “Хоффенхайм” ўсмирлар жамоаси сафида Дитмар Хопп ҳаракат қилган. Кейинчалик бу йигитча комьпютер дастурлари ишлапб чиқариш бўйича энг машхур компаниялардан бирининг эгасига айланди. Хопп пулларининг маълум қисмини севимли клубига тикади, натижада жамоа хаваскорлар лигасидан Бундеслига сари дадил одимлай бошлайди. Шунинг учун бошқа жамоалар фанатлари “Хоффенхайм”ни ёқтиришмайди, бойкот эълон қилиб: жамоада пулдан бошқа ҳеч нарса йўқлигини, на тарихи, на анъаналари борлигини рўкач қилишади. Кейинчалик Бундеслигада “РБ Лейпциг” клуби пайдо бўлади, “қишлоқликлар”га бўлган нафрат эса анча камаяди.
13. БАВАРИЯ
Немис футбол гламурини ифодаловчи баланд пошнали туфлича. Мюнхенда маҳаллий жамоани барча чин дилдан севади: Mia san Mia бавария лаҳчасида тахминан “биз боримизча шундаймиз” маъносини билдиради. “Бавария” Германия чемпионатида энг кўп ғолиб чиққан жамоалардан бири, жамоанинг кучи ҳам бошқа клубларга нисбатан молиявий аҳволининг жуда яхши экани ва ҳорижлик юқори савияли легионерларга яхши маош тўлай олишида. Альп тоғларига келсак, улар Баварияни ҳар томондан ўраб туради.
14. ГАМБУРГ
Гамбург – сайёҳларни ўзхига доимо жалб қилган шаҳар.гарчи бу ерда йилнинг 300 куни ёмғир ёғиб турса ҳам шаҳар барибир бетакрор. Гамбург молиявий томондан ҳам қийничиликларга дуч келмайди, чунки порт-шаҳар. Лекин нима учундир шаҳар жамоаси борган сари Бундеслигадан узоқлашиб бормоқда. “Гамбург” Бундеслиганинг шу вақтгача ўтказилган барча мавсумларида иштирок этган ва қуйи дивизионга қуламаган ягона клуб. Стадиондаги соат илк чемпионатга старт берилганидан буён ишлаб туради, лекин яқин орада у тўхтаб қолса ажабланманг, чунки жамоанинг ўйинлари ва натижалари қониқарсизлашиб қолган.
15. ВЕРДЕР
Бременлик мусиқачилар ва балиқ шимолий шаҳарнинг рамзлари ҳисобланади. Шаҳарнинг ўзи ҳам Шимолий денгиздан бир неча километр узоқликда жойлашган.
16. ИНГОЛЬШТАДТ
Мусобақнинг яна бир дебютанти. Энди Бундеслигада автоконцернлар ҳомийлиги остида тўп сурувчи клублар сони яна биттага кўпайди. Умуман нима учундирк кўпчилик келаси мавсум якунига етганидан кейин “Ингольштадт” яна 2-Бундеслигага қайтади деб ҳисобламоқда. Шаҳар Баварияда жойлашган ва шу сабаб пиво тасвири мавжуд.
17. АУГСБУРГ
Католик Бавариянинг яна бир шаҳарчаси. Шаҳарча атрофида тоғ чанғилари курортлари кўп, пивахўрлар учун ҳам шароит яратиб берилган. Жамоа ҳам ажойиб ўйин намойиш қилади: келаси мавсум еврокубокларда дебютини ўтказади. Глобусда асосан Осиё қитъаси кўринмоқда, бу клубда осиёлик легионерлар кўп эканини билдиради.
18. БОРУССИЯ М
Менгхенглабахда ҳама нарса футболга бағишланган. Сурнайча жамоанинг титул ҳомийси бўлган банк логотипини эслатиб юборади. “Боруссия” футболчиларини “тойчоқлар” дейишади. Жамоа бу йилги мавсум ушбу лақабга муносиб эканини барчага исбот қилди: тезкор футбол намойиш этди, ЕЧЛга йўлланмани қўлга киритди. Йўлбарс эса ўз футболчилик фаолиятини айнан Гладбах шаҳриа бошлаган немис футболи афсонаси Штефан Эффенбергнинг лақабидир.
Мана қадрли мухлислар Германия Бундеслигасига қилган антиқа сафаримиз ҳам ўз ниҳоясига етди. Рости мақолани таржима қилишга унинг ўзгача услубда ёзилганлиги ва расмларга шарҳ берилгани бизни жалб қилди. Сайтимизни ўқиб боришда давом этинг. Эътиборингиз учун раҳмат!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
