Бир ҳафта ичида иккита ўйин ўтказган "Барселона" ўз дарвозасидан нақ 8та тўп олиб чиқди. Европа суперкубоги доирасида жамоа "Севилья" дарвозасига 5та гол уриб, совринни ўз уйига олиб кетган бўлса, бу сафар каталонияликлар "Атлетик Бильбао" олдида ожиз қолдилар.
Испания суперкубоги учун кечган баҳсда "Барса" ўзига ўхшамади. Улар тўпни назорат қилишди, қарши ҳужумларда нисбатан яхшироқ кўриндилар, аммо "Атлетик" ўзи яратган имкониятларнинг деярли барчасидан унумли фойдаланиб, номдор рақибни ўта қийин ҳолатга тушириб қўйди. Луис Энрике шогирдлари эса мазкур ўйинга руҳан ва жисмонан тайёргарлик кўра олмади.
Марк-Андре тер Штегеннинг хатоси туфайли ўйинда тезкор гол киритилди. "Барселона" жарима майдончаси атрофига олис масофадан етказилган узатмани дарвозабон бош билан уриб юборишга қарор қилди. Тўпни эгаллаган Сан-Хосе майдон марказидан кучли зарба билан дарвозани ишғол қилди.
Иккинчи бўлимда меҳмонлар ҳимоясидаги қўпол хатолардан бильбаоликлар унумли фойдаланишди. Арис Адурис 15 дақиқа ичида ўз ҳисобига 3та гол ёзишга муваффақ бўлди. У ўз голларини бош билан, оёқ билан ва пенальтидан урди. Тер Штеген унинг зарбаларини бартараф эта олмади.
"Барселона" ўйин давомида унчалик кўп вазият ярата олмади. Мессининг жаримадан йўллаган хавфли зарбасини мезбонлар посбони қайтарган бўлса, Педронинг зарбаси дарвоза тўсинига тегиб қайтди.
Шу тариқа, жавоб ўйини олдидан "Атлетик" жуда катта устунликни ҳосил қилди. Жавоб баҳси эса 17 август куни "Камп Ноу"да бўлиб ўтади.
Испания суперкубоги, биринчи ўйин.
14 август. Бильбао. "Сан Мамес" стадиони.
Ҳакам: Хосе Луис Гонсалес-Гонсалес (Кастилия-Леон).
АТЛЕТИК - БАРСЕЛОНА - 4:0 (1:0).
Голлар: Сан-Хосе, 13 (1:0). Адурис, 53 (2:0). Адурис, 62 (3:0). Адурис, 68 - с пенальти (4:0).
"Атлетик": Ираисос, Де Маркос, Баленсиага, Ляпорт, Эхейта, Сан-Хосе, Эчебарриа, Эрасо (Гурпеги, 77), Сусаета (Боведа, 85), Сабин (Лекуэ, 66), Адурис.
"Барселона": тер Штеген, Алвес, Бартра, Вермален, Адриано, Маскерано, Серхи Роберто (Ракитич, 60), Рафинья (Иньеста, 52), Педро (Рамирес, 72), Месси, Суарес.
Огоҳлантиришлар: Эрасо, 44; Эчебарриа, 45; Эхейта, 70; Сусаета, 74; Гурпеги, 89; Сан-Хосе, 90+3 - Педро, 41; Алвес, 67; Маскерано, 80; Иньеста, 90+1.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
