Дам олиш кунларида хорижда фаолият олиб бораётган Ўзбекистон терма жамоасининг бир неча аъзолари мамлакат чемпионатлари доирасидаги навбатдаги тур ўйинларида иштирок этишди.
Россия
Россия чемпионати 5-тур ўйинлари доирасида Ўзбекистон миллий терма жамоаси ярим ҳимоячиси Одил Аҳмедов фаолият олиб бораётган “Краснодар” жамоаси “Зенит” майдонига сафар қилиб, 3 очко билан қайтди. 0:2 ҳисоби билан якунланган ўйинда Сигурдсон (26-дақ.) ҳамда Лаборде (50-дақ.) голларга муаллифлик қилган. Бу голлар “Краснодар”га ўз тарихидаги “Зенит” устидан қозонилган илк ғалабасини таъминлади.
Одил Аҳмедов эса ушбу учрашувда 61-дақиқадан бошлаб ҳаракат қилган. У иккинчи гол муаллифи Лабордени алмаштирди.
Виталий Денисов тўп сурадиган Москванинг “Локомотив” жамоаси эса ушбу турда Грознийнинг “Терек” клубига қарши ўйнаб, дуранг натижа қайд этди. Ушбу учрашувда ҳисоб очилмади ва жамоалар бир очко билан кифояланишларига тўғри келди. Денисов ушбу учрашувни асосий таркибда бошлаб, учрашув сўнггига қадар ўйнади.
Украина
Украина чемпионатидаги Ўзбекистон терма жамоасининг ягона вакили Санжар Турсуновнинг “Ворскала” жамоаси чемпионатнинг 5-турида “Металлург” майдонига сафар қилиб, 1:1 ҳисобида дуранг натижа қайд этди. Ўзбекистон миллий терма жамоаси ярим ҳимоячиси бу ўйинда тўлиқ 90 дақиқа ҳаракат қилди.
Эрон
Эрон чемпионатида 3-тур ўйинлари бўлиб ўтди. Ушбу тур доирасида Ўзбекистон терма жамоасининг яна бир аъзоси Фозил Фусаев тўп урадиган “Сепаҳон” клуби ўз майдонида “Персеполис”ни қабул қилиб, 4:2 ҳисобида мағлуб этди. Фозил захирадан 59-дақиқада майдонга тушди.
Хитой
Хитой чемпионатида 23-тур ўйинлари ўтказилди. Ўзбекистон миллий терма жамоаси ҳимоячиси Анзур Исмоиловнинг “Чангчун Ятай” жамоаси бу турда ўз майдонида “Тинажин Теда” жамаосини қабул қилиб, 2:2 ҳисобида дуранг ўйнади. Исмоилов ўйинни тўлиқ ўтказганини таъкидлаш жоиз.
Шунингдек, Жанубий Корея чемпионатида ҳам навбатдаги тур ўйинлари ўтказилган, Ўзбекистон терма жамоаси аъзоси Сервер Жепаров фаолиятини давом этттираётган “Ульсан” клуби “Бусан”га қарши ўйнаб, 2:2 ҳисобида дуранг қайд этган бўлса-да, ушбу ўйинда Сервер иштирок этмаган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
