Икки кун аввал “
Манчестер Юнайтед” жамоаси чап қанот ҳимоячиси
Люк Шоу ПСВга қарши кечган баҳснинг (1:2) 15 дақиқасида рақиб жамоа аъзоси
Эктор Морено томонидан чалиб йиқитилди. Моренонинг қўполлиги 20 ёшли футболчининг оёғи икки томонлама синишига олиб келди. Ушбу даҳшатли жароҳат ёш иқтидорнинг узоқ вақт сафдан чиқишига сабаб бўлди. Бугунги жорий мавсумда футболчиларнинг олган жароҳатлари ҳақида сўз юритамиз.
Фабиан Делф (“Манчестер Сити”)
Ёдингизда бўлса керак,
International Champions Cup – 2015 норасмий турнирида иштирок этган “
Манчестер Сити” Мадриднинг “
Реал” клубига қарши (1:4) тўп сурганди. Мазкур учрашувда “шаҳарликлар” сафида дебют учрашувини ўтказган Фабиан Делф ўйининг 18 дақиқасида жароҳат олиб майдонни тарк этишга мажбур бўлганди. Унинг жароҳатига ўзидан бошқа ҳеч ким сабаб бўлмагна. Майдонда ҳаракатланаётган вақтда ярим ҳимоячи оёқларида оғриқ сезган ва ўйинни давом эттира олмаган. Тиббий кўрикдан сўнг Фабиан Делф чап оёқ тизза ости пайларини шикастлагани мълум бўлган.
Тикланиш муддати
Фабиан Делф жароҳат олганига 2 ойдан бўлмоқда. Унинг майдонга тушишидан эса ҳамон дарак йўқ
Хамес Родригес (“Реал Мадрид”)
Колумбия терма жамоас ҳамда “
Реал Мадрид” клуби етакчиларидан бири
Хамес Родригес 9 сентябрь Перу термасига қарши кечган (1:1) ўртоқлик учрашувида жароҳат олганди. Клуб сафида ажойиб старт олган ярим ҳимоячи терма жамоаси таркибида майдонга тушиб сон мушакларидан жароҳат олди.
Тикланиш муддати
Колумбия терма жамоаси шифокорлари Хамес жароҳати жиддий эмаслиги ва у 10 кунда сафга қайтишини айтиб ўтишганди. Аммо, “Реал Мадрид”нинг юқори малакали шифокорлари унинг тикланишига 1 ой муддат керак эканини таъкидлаб ўтишди. Натижада футболчи
Ла Лига ҳамда ЕЧЛ доирасидаги бир қатор учрашувларни ўтказиб юборишга мажбур бўлди.
Серхио Агуэро (“Манчестер Сити”)
“Манчестер Сити” клуби ҳужумчиси Серхио Агуэро АПЛ 5-тури доирасида “Кристал Пэлас”га қарши кечган (1:0) учрашувда енгил бўлса-да, жароҳат олганди. Тизза жароҳати туфайли аргентиналик футболчи ЕЧЛ 1-турида “Ювентус”га қарши ўйинда жамоасига ёрдам бера олмади. Натижада “Ман Сити” рақибига 1:2 ҳисобида имкониятни бой бериб қўйди.
Тикланиш муддати
Серхио Агуэро Премьер-лига 6-турида “Вест Хэм”га қарши ўйинда “Ман Сити” сафида майдонга тушиши кутилмоқда.
Серхио Рамос (“Реал Мадрид”)
“Реал Мадрид” сардори Серхио Рамос ЕЧЛ 1-турида “Шахтёр”га қарши баҳсда (4:0) Тарас Степаненко томонидан қўполлик билан тўхтатилди. Ноқулай ҳолатда майдонга йиқилган испаниялик тажрибали ҳимоячи елкасидан жароҳат олди.
Тикланиш муддати
Чап елка силжиши натижасида Серхио Рамос жароҳатидан тўлиқ фориғ бўлиши учун уч ҳафта давомида майдонга туша олмайди.
Люк Шоу (“Манчестер Юнайтед”)
“
Манчестер Юнайтед” ҳимоячиси
Люк Шоу учун
ПСВга қарши кечган ўйин (1:2) бир умрга ёд бўлиб қолса, ажаб эмас. Атиги 20 ёшни қаршилаган англиялик футболчи рақибининг қўполлиги туфайли клуб ва терма жамоа сафида “гуллаётган” бир паллада катта танаффус олишга мажбур бўлмоқда.
Тикланиш вақти
“Қизил иблислар” физиотерапевти
Грэм Смитнинг таъкидлашича,
Люк Шоу узоқ муддат тикланиш жараёнини ўтказади. Таҳминларга кўра, англиялик ҳимоячи 9 ойдан кейин майдонга қайтиши мумкин бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
