Спорт қироли – футбол нафақат машҳур футболчиларга балки, таниқли ишқибозларга ҳам бой. Ишонмайсизми? Ундай бўлса сўзимизнинг исботи сифатида улардан бир нечтасини келтириб ўтиш кифоя.
Бейонсе, Джей-Зи
Америкалик хонанда ўтган йилги Чемпонлар лигаси гуруҳ босқичининг иккинчи туридан ўринолган “ПСЖ” ва “Барселона” ўртасидаги баҳсида кўзга ташланганди. Учрашув жуда ҳам еҳтиросли бўлганди, чунки унда Бейонсенинг ёлғиз ўзи эмас қаллиғи – Джей-Зи билан ташриф буюрганди. Шу билан бирга, бу ерда Девид Бекҳэм, Патрик Клюйверт, Фабио Каннаваро ва ҳатто Франциянинг собиқ президенти Николай Саркози ҳам томошабинлар қаторида эди.
Шарлиз Терон
“Футболни севишим ва “Челси” учун куйиб-пишишим ҳеч кимга сир эмас. Мен бу клубнинг фақатгина муҳлиси бўлиб туролмайман, Лондонга борганимда бўш вақт топишим биланоқ “Стемфорд Бридж”га ташриф буюраман”, — деган эди америкалик актриса Шарлиз Терон CNNга берган интервьюсида.
Джастин Тимберлейк
Голливуд актёри ва поп хонандаси Джастин Тимберлейк “Манчестер Юнайтед” ишқибози эканлигини кўп бора таъкидлаган.
Том Хенкс
Ўзига шон-шуҳрат олиб келган ролларини санашнинг иложи йўқ америкалик актёр “Астон Вилла” муҳлиси ҳисобланади. Том Хенксни ушбу жамоа иштирокидаги учрашувларда кўп кузатиш мумкин. У ҳатто бир филмнинг премерасига севимли клубининг шарфида ташриф буюрган.
Джастин Бибер
Яқинда канадалик қўшиқчи Джастин Бибер ноодатий можаро қаҳрамонига айланди. Гап шундаки, Джастин Ватикандаги Сикстин капелласида (черковдаги маҳсус жой) футбол ўйнашга қарор қилди. Қўшиқчи капеллани ижарага олиб, бино коридорларида тўп тепа бошлади ва ҳатто инстаграммга бу йердаги суръатларини жойлаштиришдан ҳам тортиниб ўтирмади. Кўпчилик Бибернинг бу ишини танқид остига олди.
Рианна
Яқинда интернетда машҳур хонанда Рианна ва “ПСЖ” дарвозабони Кевин Траппларнинг биргаликдаги суръатлари тарқалиб кетди. Гап шундаки, қўшиқчи “ПСЖ” ва “Марсел” ўртасидаги баҳсга ташриф буюрди. Рианнани футбол стадионларида кўп учратиш мумкин: масалан, Жаҳон чемпионати финалида у футболга бўлган муҳаббатини ажойиб тарзда намойиш етганди.
Кети Перри, Рассел Бренд
Америкалик машҳур қўшиқчи Кети Перри ва унинг турмуш ўртоғи британиялик комик Рассел Бренд “Вест Хем”нинг ашаддий муҳлислари ҳисобланади.
Кира Найтли
“Кариб денгизи қароқчилари” филмининг юлдузи ҳам “Вест Ҳем”нинг таниқли ишқибозларидан биридир. Киранинг ўзи ҳам буни бирнеча бор маълум қилган ва у жонажон жамоасининг ўйинларини қолдирмай кузатиб боришга ҳаракат қилади.
Элайджа Вуд
“Вест Ҳем”нинг яна бир машҳур муҳлисларидан бири Элайджа Вуд “Узуклар ҳукмдори” филми орқали ҳаммамизга маълум. У “Вест Ҳем” ўйинларидан бирига ташриф буюрганида ушбу жамоа унинг қалбини забт етганини таъкидлаганди.
Уил Смит
Уил Смит икки марта стадионда Германия терма жамоаси либосида кўзга ташланган. Уилнинг футболга бўлган иштиёқи бу билан чекланиб қолмайди. У ўзи тўп билан ишлашга ҳаракат қилади.
Snoop Dog
Футболнинг поп ихлосманди. Қизиғи шундаки, Snoop Dog болалари Кори, Корделла ва Корделарга футбол ўйнашни ўргатиш мақсадида шахсан Девид Бекҳэмга мурожат қилган. Бекҳем жавоб сифатида уларнинг уччаласини ҳам футбол академиясига таклиф қилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
