Испания чемпионатининг 35-тури доирасида ўйинда Зидан жамоа етакчилари Модрич ва Рамос дам беришга қарор қилган бўлса, Роналду ва Карвахаль жароҳат туфайли жамоага ёрдам бера олмади.
"Райо Вальекано"га қарши ўйиннинг дебюти худди биринчи даврадагидаги учрашувдагидек бўлди. Пако Хемес шогирдлари 14-дақиқага келиб номдор рақиб дарвозасига 2та тўп йўллашга муваффақ бўлишди. Дастлаб Бебе чап қанотдан жарима майдончасига кирди ва дарвозабон майдончасига узатма берди. Эмбарба яқин масофадан дарвозани ишғол қилди. Орадан 7 дақиқа ўтиб бурчакдан етказилган узатма натижасида тўп дарвозабон майдончасида турган Николас Микуга келиб тушди. Футболчи муаммосиз дарвозани ишғол қилди.
Ушбу мураккаб вазиятдан "Қироллик клуби" қийинчилик билан бўлса-да чиқиб кета олди. 35-дақиқада бурчакдан етказилган узатмага Бэйл баланд сакраб, тўпни дарвозага жойлади.
Иккинчи бўлим бошида ҳисоб тенглашди. Данило ўнг қанотдан узатма берди ва Лукас Васкес 11 метрли нуқта атрофида ҳимоячини ортда қолдирган ҳолда бош билан дарвозани ишғол қилди. 2:2. Орадан кўп ўтмасдан Бэйлнинг бош билан узатмасидан кейин Хесе бирга-бир вазиятга чиқиб кетди ва жарима майдончасига кириб, кучли зарба берди. Дарвозабон зарбани қайтаришга муваффақ бўлди.
Биринчи даврадаги ўйинда "Райо Вальекано" кўпол хатолари туфайли йирик ҳисобда мағлубиятга учраган бўлса, бу сафар ҳимоячининг хатоси туфайли очкодан маҳрум бўлди. Ўйин тугашига 9 дақиқа қолганида Гарет Бэйл ҳимоячи Кинидан тўпни олиб қўйди ва жарима майдончасига кириб, аниқ зарба билан дарвозани ишғол қилди.
Ушбу ғалабадан кейин "Реал" камида 2 соатга жадвалда пешқадам бўлиб олди. "Атлетико" ва "Барселона" жамоалари ўз ўйинларини бугун ўтказишади.
Испания Ла лигаси, 35-тур
Райо Вальекано – Реал Мадрид 2:3 (2:1, 0:2)
23 апрель, «Кампо де Вальекас».
Голлар: 1:0 – 7 Эмбарба, 2:0 – 14 Мику, 2:1 – 35 Бэйл, 2:2 – 52 Васкес, 2:3 – 81 Бэйл.
Райо Вальекано – Хуан Карлос, Креспо, Амайя, Тито (Рац, 78), Марин, Эрнандес (Герра, 54), Трасоррас, Хосабед (Итурра, 54), Эмбарба, Бебе, Мику.
Реал Мадрид – Навас, Пепе, Марсело, Данило, Варан, Ковачич (Хамес, 78), Кроос, Бэйл, Иско, Хесе (Модрич, 63), Бензема (Васкес, 42).
Огоҳлантиришлар: Хосабед (53), Креспо (62), Ковачич (66), Итурра (67), Трасоррас (73), Амайя (76), Рац (83).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
