2016 йилги Ўзбекистон ноҳаваскор ва ярим профессионал клублар ўртасидаги футбол мусобақалари Регламенти талабларини бузгани учун, «Орол» ПФК ва «Пахтакор-2» ПФКга нисбатан интизомий жазо чоралари кўрилди.
Биринчи Лига жамоалари ўртасидаги 2016 йилги Ўзбекистон Биринчилиги 21-туридан ўрин олган «Орол» (Нукус) — «Норин» (Ҳаққулобод) учрашувида «Орол» ПФК таркибида бунгача тўрт учрашувда сариқ карточка олган ўйинчи — Исломбек Сейтназаров майдонга тушган.
2016 йилги Ўзбекистон ноҳаваскор ва ярим профессионал клублар ўртасидаги футбол мусобақалари Регламенти талаблари (4-модда, 4.27-банд) бузилганидан келиб чиқиб, 21-турдаги «Орол» — «Норин» (0:1) учрашуви натижасида, шунингдек, ўйиндаги гол, огоҳлантиришлар ва четлатишларни ўзгаришсиз қолдириш ҳақида қарор қабул қилинди.
Тартиб-интизом кодекси (5-модда, 5.22-банд)га мувофиқ, «Орол» ПФК (Нукус) жаримага тортилди. Ислом Сейтназаров жамоанинг амалда энг яқин учрашувини ўтказиб юборади.
Биринчи Лига жамоалари ўртасидаги 2016 йилги Ўзбекистон Биринчилиги 19-туридан ўрин олган «Ўз-Донг-Жу» (Андижон) — «Пахтакор-2» (Тошкент) учрашувида «Пахтакор-2» ПФК таркибида бунгача биринчи даврада «Зомин» ПФКдаги ўйинлари вақтида тўртта сариқ карточка олган ўйинчи — Рашид Шаробиддинов майдонга тушган.
Шунингдек, Рашид Шаробиддинов амалдаги энг яқин икки ўйинни— 20-турдаги «Норин» (Ҳаққулобод) — «Пахтакор-2» (Тошкент), 21-турдаги «Пахтакор-2» — «Ёзёвон-Лочинлари» (Ёзёвон) учрашувларини ҳам ўтказиб юбормаган.
2016 йилги Ўзбекистон ноҳаваскор ва ярим профессионал клублар ўртасидаги футбол мусобақалари Регламенти талаблари (4-модда, 4.27-банд) бузилганидан келиб чиқиб, 19-турдаги «Ўз-Донг-Жу» (Андижон) — «Пахтакор-2» (Тошкент) (3:1) учрашуви натижасини ва 20-турдаги «Норин» (Ҳаққулобод) — «Пахтакор-2» (Тошкент) (3:0) учрашуви натижаси, ўйиндаги голлар, огоҳлантиришлар ва четлатишларни ўзгаришсиз қолдириш ҳақида қарор қабул қилинди.
2016 йилги Ўзбекистон Биринчилиги 21-туридан ўрин олган «Пахтакор-2» (Тошкент) — «Ёзёвон-Лочинлари» (Ёзёвон) (3:3) учрашувида 2016 йилги Ўзбекистон ноҳаваскор ва ярим профессионал клублар ўртасидаги футбол мусобақалари Регламенти талаблари (4-модда, 4.27-банди)ни бузгани учун, «Пахтакор-2» ПФК (Тошкент)га техник мағлубият (-:+) ёзилди ва мусобақа жадвалида очкоси ечиб олинди. «Ёзёвон-Лочинлари» ПФКга эса, мос равишда, техник ғалаба (+:-) ёзилди ва мусобақа жадвалида очколар қўшиб қўйилди.
Тартиб-интизом кодекси (5-модда, 5.22-банди)га мувофиқ, «Пахтакор-2» ПФК (Тошкент) жаримага тортилди. Рашид Шаробиддинов амалда энг яқин учрашувини ўтказиб юборади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
