Осиё чемпионлар лигасининг чорак финал босқичи доирасида "Локомотив" сафарда БААнинг "Ал-Айн" клубига қарши дастлабки учрашувни ўтказди. Анча қизиқарли кечган ўйин ҳисоб очилмади.
Учрашувни жамоалар юқори темп билан бошлашди ва ҳужумларга нисбатан футболчилар кучли прессинг орқали жавоб беришди. "Темирйўлчилар" рақибнинг ҳали юқори формада эмаслигига умид қилиб, ҳужумкор ўйин тактикасини танлашди, аммо БААда миллий чемпонат бошланмаган бўлса-да "Ал-Айн" футболчилари яхши формада эканликлари ойдинлашди. Айниқса, ўйинни бошқарган Умар Абдулраҳмон ва ҳужумчи Данило Асприлло футболчиларимизни анча қийнашди.
Бир вазиятда Умарнинг жаримадан йўллаган хавфли зарбасини ва иккинчи бўлимда эса Асприлло бирга бир вазиятда берган зарбани Игнатий Нестеров қайтаришга муваффақ бўлди.
Вакилларимизда ҳам иккита-учта яхши имконият бўлди. Геворкян ўнг қанотдан етказган узатмага Сардор Мирзаев дарвозабон майдончаси чизиғи устида тўпга оёқ қўйди. Тўп дарвоза устидан ўтиб кетди. Орадан 3 дақиқа ўтиб Шоаҳмедов рақиб жарима майдончаси ташқарисида тўпни кўкраги билан қабул қилди ва кучли зарба берди. Тўсин остига йўл олаётган тўпни Холид Эйса тўсин устидан кўтариб юборди.
Иккинчи бўлимда ташаббус "Ал-Айн" томонида бўлди, Микляев шогирдлари кўпчилик бўлиб ҳимояланишга мажбур бўлишди. Шунга қарамай, ўйин сўнгида дарвозани ишғол қилиш учун вакилларимизда иккита имконият юзага келди. Жепаров 3 нафар рақиб орасидан ўтиб кетиб, ажойиб узатма билан Шоаҳмедовни яккама-якка вазиятга чиқарди. Санжар ўткир бурчак остида зарба берди, аммо тўп тўсин устидан ўтиб кетди. Қўшиб берилган дақиқаларда эса Сардор Мирзаев чап қанотдан жарима майдончасига кириб келди ва БИкмаевга узатма бераётганида тўп ҳимоячининг оёғидан ўз йўналишини ўзгартирди ва яқин бурчакка йўл олди. Эйса оёғи билан бир амаллаб тўпни майдон ташқарисига чиқарди.
Шу тариқа, дастлабки ўйинда ҳисоб очилмади. Жавоб ўйини 13 сентябрь куни Тошкентда бўлиб ўтади.
ОЧЛ, Чорак финал, дастлабки ўйин
"АЛ-АЙН" - "ЛОКОМОТИВ" - 0:0
"Ал-Айн": 17.Холид Эйса, 5.Исмоил Аҳмад, 7.Лукас Фернандес Кайо (Иброҳим Диакий 84), 9.Дянфрес Дуглас (Муҳаммад Абдулраҳмон 70), 10.Умар Абдулраҳмон, 19.Моҳнад Салим, 23.Муҳаммад Аҳмад Ғариб, 25.Амир Абдулраҳмон, 29.Ли Мюнг Жу, 50.Муҳаммад Фаёз, 70.Данило Асприлло
"Локомотив": 1.Игнатий Нестеров, 5.Кахи Махарадзе, 8.Сервер Жепаров, 11.Темурхўжа Абдухолиқов (Икром Алибоев 77), 13.Неманья Яничич, 15.Сардор Мирзаев, 18.Темур Кападзе (С), 20.Ислом Тўхтахўжаев, 22.Санжар Шоаҳмедов, 33.Олег Зотеев (Шерзод Файзиев 86), 71.Артур Геворкян (Марат Бикмаев 70)
Бош ҳакам: Аҳмад Муҳаммад Махедма (Иордания)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бухоро
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
