«Барселона» бош мураббийи Луис Энрике Ла лиганинг 7-тури доирасида бўлиб ўтган «Сельта»га қарши ўйин (3:4) борасида ўз фикрларини билдириб ўтди.
«Биринчи бўлимда биз бирорта ҳам яккукурашларда устун чиқмадик, бўш ҳудудлардан фойдаланмадик, тўғри позиция танламадик, кам ҳаракат қилганимиз боис ўйинни назорат қилмадик.
Танаффусдан кейин ўйинимизни кучайтардик, камроқ хато қилдик, лекин тўртинчи гол бизни ўлдирди. Натижа мени ҳайрон қолдирмади: ўз дарвозамизга учинчи голни урдик, тўртинчи гол ҳақида мен ҳеч нарса демайман.
«Барселона» дарвозабони таваккал қилиши керак. Ҳозир индивидуал хатолар ҳақида гапирмоқчи эмасман, аммо дарвозабон — биз учун ҳал қилувчи ўйинчи. Ҳозир танқид қилиш ва камроқ таваккал қилиш керак эди, деб гапириш осон. Лекин ўйин ўтгандан кейин барча ақлли фикр билдира олади.
Мен – мағлубиятнинг бош айбдориман. Биз биргаликда ғалаба қозонамиз ёки мағлубиятга учраймиз, лекин мағлуб бўлганимизда, асосий айбдор мен бўламан. Энг аввало мен хатоларни тўғрилашим лозим. Ротацияга мен жавоб бераман, демак, барча айб менга юкланади.
Мавсум энди бошланди, олдинга қараб ҳаракат қилиш лозим», – дейди Луис Энрике.
Каталонияликлар 7-турдан кейин 13 очко билан Ла лига жадвалида 4-ўринни эгаллаб туришибди.
Матнда хатолик топсангиз, ўша хатони белгилаб, бизга жўнатинг (Ctrl + Enter).