Якунига етаётган 2016 йилда бир қатор машҳур спортчилар ўз карьерасини якунлади. «Дарё» 2016 йилда фаолиятини якунлаган ана шундай спортчиларни ёдга олди.
Майкл Фелпс, 31 ёш
Олимпия ўйинлари тарихидаги энг яхши спортчи – америкалик сузувчи Майкл Фелпс Рио–2016 Олимпиадасидан сўнг фаолиятини якунлади. Синдей–2000, Афина–2004, Пекин–2008, Лондон–2012 ва Рио–2016 Олимпия ўйинларида иштирок этган Фелпс 23 карра Олимпиада чемпиони ҳамда 3 карра кумуш ва 2 карра бронза медали соҳиби саналади.
Руслан Чагаев, 38 ёш
Бутунжаҳон бокс ассоциацияси (WBA) версияси бўйича супероғир вазн тоифасида собиқ жаҳон чемпиони, ўзбекистонлик Руслан Чагаев кўзидаги муаммо сабабли фаолиятини якунлади.
Коби Брайант, 38 ёш
1996 йили NBA’нинг «Лос-Анжелес Лейкерс» баскетбол клуби аъзосига айланган Коби Брайант фаолиятининг сўнгги кунига қадар ўз жамоасига содиқ қолди. «Қора Мамба» лақабини олган баскетболчи «Лейкерс»нинг афсонасига айланган. Кўплаб жароҳатлари туфайли у карьерасини тугатишга қарор қилди. Коби 5 карра (2000, 2001, 2002, 2009, 2010 йиллар) NBA чемпиони ва 2008 йилнинг энг фойдали ўйинчиси бўлган.
Кевин Гарнетт, 40 ёш
Басктеболнинг яна бир ёрқин намояндаларидан бири – Кевин Гарнетт 21 мавсум давомида NBA паркетларида ўйнади. 1995–2007 йиллар давомида «Миннесота Тимбервулфс» билан чемпион бўла олмаган Гарнетт 2008 йили «Бостон»га ўтади ва жамоа билан NBA чемпионига айланади. Фахрий басткетболчи ўз фаолиятини биринчи клуби – «Миннесота Тимбервулфс»да тугатди.
Диего Милито, 37 ёш
«Майдондаги Сталлоне» номини олган аргентиналик футболчи фаолиятини 1999 йили маҳаллий «Расинг» клубида бошлаган.
Карьераси давомида у «Женоа», «Сарагоса» ва «Интер» клубларида тўп сурган. Фаолиятининг сўнгги йилларини у жонажон «Расинг» клубида ўтказди.
Миша Тейт, 30 ёш
Дунёнинг энг чиройли аёл жангчиларидан бири – Аралаш жанглар санъати (MMA) вакиласи Миша Тейт Ракел Пеннингтондан енгилгач фаолиятига якун ясади.
Стивен Жеррард, 36 ёш
17 йил давомида Англиянинг «Ливерпуль» футбол клуби шарафини ҳимоя қилган Стивен Жеррад том маънода ушбу клубнинг афсонасига айланди. 2015 йилда у АҚШнинг «Лос-Анжелес Гелакси» клубига келиб, 1 йил ўтгач фаолиятини тугатганини эълон қилди. Бир қатор совринларга эга чиққан Стивен Жеррардга Англия чемпиони бўлиш насиб қилмаганди.
Нико Росберг, 31 ёш
Mercedes жамоаси пойгачиси германиялик Нико Росберг 2016 йилда фаолиятида илк бор «Формула-1» чемпиони бўлиб, фаолиятини тугатишга қарор қилди.
Асрор Алиқулов, 38 ёш
Ўзбекистон чемпионати ва кубогида 5 мартадан ғолиб чиққан футболчи Асрор Алиқулов декабрь ойи бошида фаолиятини якунлагани маълум бўлганди.
Ана Иванович, 29 ёш
Германиялик футболчи Бастиан Швайнштайгернинг турмуш ўртоғи – сербиялик теннисчи Ана Иванович тез-тез жароҳат олиши сабаб фаолиятига нуқта қўйишга қарор қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
