Карлуш Кейруш: «Эрон термасининг саралаш босқичидаги натижалари салбий томонга ўзгариши мумкин»
Ўзбекистон миллий терма жамоасининг ЖЧ–2018 турнирига саралаш босқичидаги рақиби – Эрон термаси бош мураббийи Карлуш Кейруш Facebook ижтимоий тармоғидаги саҳифасида истеъфоси рад этилганидан сўнг расмий баёнот матнини эълон қилди.
63 ёшли мутахассис Эрон футбол федерацияси (ЭФФ) билан юзага келган ўзаро зиддият ва келишмовчиликлардан сўнг миллий терма жамоадан кетиш ҳақида ариза ёзганди. Кейинроқ ЭФФ президенти Меҳди Таж Кейрушнинг истеъфога чиқиш аризасини рад этгани ҳақида маълум қилинганди.
Қуйида Карлуш Кейрушнинг расмий баёноти матни келтирилган.
“Истеъфога чиқиш ҳақида ариза ёзганимдан сўнг қуйидаги баёнотни эълон қилмоқчиман:
1. Дубайдаги йиғин давомида Эрон термаси билан юзага келган зиддиятлардан сўнг 6 январь куни ЭФФ президентига товон пулини талаб қилмаган ҳолда истеъфога чиқиш ҳақида хат ёздим.
2. Ушбу қарор ЭФФ президенти Меҳди Таж розилиги билан муҳокама қилинди. ЭФФ президенти Бранко Иванкович (“Персеполис” устози) қаршилиги ва бошқа сабабларга кўра ЖЧ–2018 учинчи саралаш босқичига тасдиқланган тайёргарлик режасини амалга ошириш учун шароити ва ваколати йўқ эканини айтди.
3. Тайёргарлик режаси ва ривожланиш учун шароит йўқлиги сабабли мен Эрон термасининг келажаги ва Жаҳон чемпионатига чиқиш борасидаги муаммолари ҳақида профессионал муносабатимни билдирдим.
4. Истеъфо ҳақида азирани тақдим этганимдан сўнг, ЭФФдан расмий рад жавобини олдим.
5. ЭФФ раҳбарияти ва президентининг мазкур қарори менинг профессионал маҳоратим, Эрон термасига бўлган садоқатим исботи деб тушундим. Ушбу лавозимда қолиш менга қўшимча масъулият юклайди.
6. Бироқ, шуни аниқ маълум қилмоқчиман-ки, Бранко Иванкович ва бошқа спорт агентларининг доимий қаршилиги туфайли Эрон термасини саралаш босқичида пешқадам қилган ҳамда мамлакат футболи нуфузини оширган тайёргарлик режаси якунига етди.
7. ЖЧ–2018 турнири финал босқичига йўл олиш учун ҳаракат қилаётган бошқа рақиблардан фарқли ўлароқ, бундан буёғига Эрон терма жамоасининг тайёргарлик имкониятлари чекланган бўлади ва фақат ФИФА кунларида, стандартлар ва қоидаларга мувофиқ ўйин ўтказади.
8. ФИФА томонидан чекланган тайёргарлик режасини қўллаб-қувватламайман ва бу Эрон термасининг саралаш босқичидан ўтишига салбий таъсир ўтказишига ишонаман.
9. Якунда бир нарсани аниқ қилиб айтмоқчиман: янги тайёргарлик режаси бир томонлама қарор бўлиб, ЭФФ раҳбарияти ва президенти уни қабул қилди ҳамда бутун масъулиятни ўз зиммасига олди” – дейилади Карлуш Кейрушнинг баёнотида.
Маълумот учун, ЖЧ–2018 турнирига учинчи саралаш босқичи “А” гуруҳи 5-туридан кейин Эрон 11 очко билан пешқадамлик қилмоқда. Жанубий Корея 10 очко билан иккинчи, Ўзбекистон 9 очко билан учинчи ўринда бормоқда.
Манба: the-uff.com
Киритилди: 08:31, 15.01.2017. Ўқилди: 15531 марта. Фикрлар: 15 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
